Mienavita Barys Chamajda ź siabrami stajaŭ u vytokaŭ viciebskaha adradženskaha ruchu, udzielničaŭ u arhanizacyi pieršych supołak BNF, stvaryŭ haradskoje abjadnańnie vybarščykaŭ, jakoje stała zasnavalnikam adnaho ź pieršych u krainie niezaležnych hramadska‑palityčnych vydańniaŭ — haziety «Vybar». Darečy, «Vybar» za svaju bieskampramisnuju pazicyju, za toje, što vykonvaŭ vialikuju rolu ŭ farmavańni hramadskaj dumki, za papularnaść u mieścičaŭ staŭsia badaj ci nie pieršym vydańniem, jakoje było zabaronienaje ŭładami, ale nie pierastaŭ vychodzić. Z vydańniem źviazany taksama pieršy mas‑miedyjny sudovy palityčny praces ŭ Biełarusi, kali za nadrukavany ŭ haziecie vierš «Zabi prezidenta» paet Słavamir Adamovič apynuŭsia za kratami.

Ułady zaŭsiody žorstka pieraśledvali niaŭrymślivaha aktyvista. Doŭhi čas jon byŭ respublikanskim lideram pa pakarańniach. Ahułam — miesiacy za kratami, a suma štrafaŭ, jakija atrymaŭ Barys Chamajda, ciahnie na sotni hadoŭ vypłaty.

Siońnia kožny vicieblanin viedaje: kali chočaš mieć abjektyŭnuju infarmacyju pra stanovišča ŭ krainie i śviecie, treba prosta jechać ŭ centr horada da hetak zvanaha «siniaha domu», dzie kožny dzień u luboje nadvorje, vykonvajučy svoj hramadzianski abaviazak, raspaŭsiudžvaje niezaležnuju presu starejšy viciebski apazicyjanier Barys Chamajda. Kali ty jaho tam nie znojdzieš, pryčynaj moža być tolki toje, što aktyvista znoŭku zatrymali milicyjanty. Tady pačakaj: praź dzień, praz tydzień, praz 15 sutak jon abaviazkova budzie. Bo heta treba ludziam. Ź jubilejem, Barys Chanonavič!

Alena Hryniavickaja, Radyjo Racyja

Клас
0
Панылы сорам
0
Ха-ха
0
Ого
0
Сумна
0
Абуральна
0