Pra heta Tut.by paviedamiŭ načalnik słužby hidramietearałahičnych prahnozaŭ Respublikanskaha hidramietearałahičnaha centra Dźmitryj Rabaŭ.
Pačynajučy z čaćviarha ŭ atmaśfiery pastupova budzie adbyvacca pierabudova, i razam z rostam atmaśfiernaha cisku zadźmuć chałodnyja paŭnočnyja viatry, a słupki termomietraŭ pačnuć apuskacca.
U čaćvier, 25 śniežnia, tempieratura pavietra na praciahu sutak ad -2°S pa poŭnačy da + 5°S pa poŭdni krainy. Na bolšaj častcy terytoryi apadki — mokry śnieh, pa poŭdni z daždžom. U asobnych rajonach słaby hałalod. Miescami ŭzmacnieńnie vietru paryvami da 15—18 m/s.
U piatnicu, 26 śniežnia, tempieratura pavietra jašče panizicca i składzie nočču -1 -8°S, pry prajaśnieńniach da -10°S; maksimalnaja dniom čakajecca 0 — -6°S. Nočču na bolšaj častcy terytoryi, dniom miescami karotkačasovy śnieh. Na asobnych učastkach daroh hałalodzica.
U vychadnyja pachaładańnie ŭzmocnicca.
U načnyja hadziny marazy buduć dasiahać -3 -10°S, pry prajaśnieńniach da -13°S; maksimalnaja dniom 0 — -7°S. U asobnych rajonach — karotkačasovy śnieh, na darohach hałalodzica.
Takaja tempieratura blizkaja da normy dla hetaha času, a ŭsio nadvorje — śniežnaje i ŭmierana maroznaje — budzie adpaviadać kłasičnym ujaŭleńniam pra zimu.
