Prezident «Rośniefti» Ihar Siečyn zaklikaŭ «razabracca» z «pravakatarami», jakija raspaŭsiudžvajuć infarmacyju ab tym, što kampanija nibyta ŭdzielničała ŭ abrušeńni valutnaha rynku.
«Ciapier, jak zaŭsiody, treba źviarnuć uvahu na tych, chto raspaŭsiudžvaje hetyja čutki, — skazaŭ prezident «Rośniefti». — Jość u peŭnych viedamstvach taki mietad — adciahnieńnie ŭvahi na niahodny abjekt, jaki dazvalaje realizavać asnoŭnuju metu, jakuju stavić pierad saboj intaresant». «U dadzienym vypadku hetym abjektam źjaŭlajecca «Rośniefť», a voś ź intaresantami-pravakatarami treba raźbiracca: chto heta i što heta za ludzi, chto takija Navalnyja, Niamcovy i Kudryny i čyje mety jany realizujuć».
«Značyć, Navalny ciapier i rubiel abvaliŭ. Ok», — adreahavaŭ na heta ŭ tvitary sam apazicyjanier Alaksiej Navalny.
Napiaredadni były ministr finansaŭ Alaksiej Kudryn napisaŭ u svaim tvitary: «Rynak niehatyŭna «razahreła» nieprazrystaja ździełka pa kredytu «Rośniefti» na 625 rub. Vielmi niesvoječasova».
Siečyn padkreśliŭ, što «Rośniefť» nie realizavała pakul rublovuju pazyku. Kanviertacyja rublovych pazyk u valutu nie praduhledžana ni płanami kampanii, ni pahadnieńniami z bankami, skazaŭ jon. Čutki pra toje, što «Rośniefť» vychodziła na rynak valuty, «źjaŭlajucca pravakacyjaj», śćviardžaje jon: «U realnaści kampanija pazityŭnym čynam udzielničaje ŭ stabilizacyi valutnaj sistemy».
«My pakul nijakich rublovych pazyk nie realizavali, išła padrychtoŭka i idzie padrychtoŭka, my budziem vykarystoŭvać kanjunkturu, ale dumaju, što ŭ dziejučych umovach, kali CB źmianiŭ bazavuju staŭku, chutčej za ŭsio, što naŭrad ci ŭ takich umovach možna pryciahvać hetyja pazyki. U kampanii jość mahčymaść ź inšych krynic atrymać finansavańnie», — adznačyŭ Siečyn.
