Samym papularnym zapytam hoda staŭ «Robin Uiljams». Słavuty aktor skončyŭ žyćcio samahubstvam 11 žniŭnia.
Nastupnym pa papularnaści staŭ zapyt ab Čempijanacie śvietu pa futbołu. U finale Niamieččyna pieramahła Arhientynu 1:0 (hoł na 113 chvilinie zabiŭ Hiotce) i stała čempijonam śvietu ŭ čaćvierty raz.
Taksama ludziej cikaviŭ virus Eboła. U kastryčniku pradstaŭnik AAN zajaviŭ, što mižnarodnaja supolnaść nie paśpiavaje za tempami raspaŭsiudžvańnia Eboły — da śniežnia, na jaho dumku, u tydzień buduć zachvorvać da 10 tysiač čałaviek.
Samym paśpiachovym čałaviekam u pošukavych zapytach stała aktorka Dženifier Łoŭrens – vierahodna, nie tolki praz udałuju rolu ŭ «Hałodnych Hulniach», ale i praz uciečku intymnych fota. Ale i da ŭciečki Łoŭrens ličyłasia samaj seksualnaj žančynaj śvietu. Śledam za «Džej-Łoŭ» iduć Kim Kardašjan i Žuli Haje.
Najbolš «abhuhlenym» spartoŭcam staŭ Chamies Radryhies, kałumbijski futbalist, jaki zabiŭ najbolš hałoŭ na Čempijanacie śvietu. Śledam za im honščyk Michael Šumachier, jaki paŭhady pravioŭ u komie, i rehbist Rej Rajs.
Hałoŭnaj suśvietna značnaj navinoj byŭ zhadany virus Eboła.
Za im pa cikaŭnaści ludziej idzie terarystyčnaja arhanizacyja «Isłamskaja dziaržava Iraka i Siryi», jakija nie curajucca navučać svajoj kryvavaj spravie i 9-hadovych dziaciej. Na trecim miescy siarod navin katastrofa samalota nad Ukrainaj, u jakoj zahinuli amal 300 čałaviek. Čaćviertaje miesca zajmajuć padziei va Ukrainie i Krymski kryzis. Na piatym miescy biesparadki ŭ amierykanskim Fierhiusanie.
Samym papularnym hadžetam hodu pavodle pošukavych zapytaŭ staŭ iPhone 6, a samym papularnym videa – polski sabaka, apranuty ŭ hihanckaha pavuka.
Taksama Google abnaviŭ nacyjanalnyja vyniki dla mnohich krain śvietu. Biełarusi ŭ śpisie tradycyjna niama, ale možna adznačyć niešta cikavaje ŭ susiedziaŭ.
Naprykład, baradataja Kančyta Vurst cikaviła palakaŭ bolš, čym ułasnyja hrudastyja «Słavianki»; u Rasii piersonaj hodu pavodle Google stała Žana Fryskie, jakaja pieraadoleła ciažkuju chvarobu; receptam hodu va Ukrainie staŭ «kaktejl Mołatava».