Dalaravyja ceny na maskoŭskaje žyllo kociacca ŭniz: na hetym tydni 1 kv. m nieruchomaści na druhasnym rynku kaštuje $3821. Heta nižej za minimum, zafiksavany ŭ kryzisny 2009 hod, — $3858 za 1 kv. m. U cełym z pačatku hetaha hoda 1 kv. m patańnieŭ u pieraliku na dalary na 25%.
Asnoŭnaja pryčyna — uźlot kursu dalara i padzieńnie rubla. Košt žylla ŭžo daŭno pryviazany da rubla, a jon rezka tańnieje. Z 31 śniežnia 2013 hoda pa 16 śniežnia 2014 hoda kurs dalara da rubla, ustalavany CB, vyras na 78,3%. Rublovyja košty za takoj dynamikaj nie paśpiavajuć.
U rublach maskoŭskaje žyllo padaražeła z pačatku hoda pa 15 śniežnia na 25% da 206 907 rub. za 1 kv. m. Siaredni košt prapanovy na druhasnym rynku — 191 700 rub. za 1 kv. m (+7,2% z pačatku hoda), heta maksimum z pačatku 2008 h. Rastuć i rublovyja košty novabudoŭlaŭ. U listapadzie 2014 hoda siaredni košt 1 kv. m u novabudoŭlach staroj Maskvy byŭ na 12,5% vyšejšy, čym hodam raniej, i na 8% vyšejšy, čym u studzieni hetaha hoda.
