Pajezdka na dvuchpaviarchovaj elektryčcy moža skaracicca z troch da dźviuch hadzin.
Elektryfikacyju pačali ŭ paniadziełak, 15 śniežnia. Jaje robiać dla čyhunačnaj haliny ad Vilni (stancyja Novaja-Vilnia) da Biełarusi. Arhanizatary zakłali simvaličnuju kapsułu času. Pra heta paviedamlaje resurs ru.delfi.lt sa spasyłkaj na Bałtyjskaje ahienctva navin.
«Elektryfikacyja hetaj čyhunačnaj haliny pavysić pryciahalnaść čyhunačnaha transpartu ŭ śfierach pieravozki hruzaŭ i pasažyraŭ, źnizić zabrudžvańnie atmaśfiery dziakujučy vykarystańniu elektryčnaści. Rychtujucca, kab ciahniki jechali z chutkaściu 160 km/h», — adznačyŭ premjer Alhirdas Butkiavičus, jaki ŭdzielničaŭ u cyrymonii pačatku rabot.
Prajekt płanujuć zaviaršyć u sakaviku 2016 hoda.
Ahułam elektryfikujuć 28,6 kiłamietra puciej, rekanstrujujuć ciahavuju padstancyju ŭ mikrarajonie Vilni Novaja Vilnia. Učastak darohi za 90 909 miljonaŭ litaŭ elektryfikuje kampanija inžyniernych elektronnych rašeńniaŭ Fima i jaje dačerniaja firma z Łatvii.
Litoŭskaja čyhunačnaja kampanija Lietuvos gelezinkeliai spadziajecca, što paśla elektryfikacyi haliny Maładziečna − Kiana (Hudahaj) — Novaja Vilnia, pajezdka pamiž Vilniaj i Minskam zojmie dźvie hadziny.
