«Planktonus Vulgaris» — sučasny haradski raman, jaki vyjšaŭ pry padtrymcy Biełaruskaha PEN-centra i vydaviectva «łohvinaŬ».
Druhaja kniha Kiryła Duboŭskaha apaviadaje pra maładoha vypusknika ŭniviersiteta Kanstancina, jaki šukaje svaju pieršuju pracu, kab narešcie źleźci z baćkoŭskaj šyi. Jon jašče nie viedaje, što zrabić heta apyniecca nie tak prosta, i napieradzie jaho čakajuć dzieviać kołaŭ zapaminalnych sumoŭjaŭ i navat časovy harnitur «śpiecyjalista pa prodažach». Nie padazraje jon i pra toje, što, kali trapić u doŭhačakany ofis, jahonaja asabistaja, ale cikavaja historyja tolki pa-sapraŭdnamu pačniecca…
Redaktar knihi Pavieł Ancipaŭ acharaktaryzavaŭ «Planktonus Vulgaris» jak «knihu pra maleńkaha čałavieka», a mastačka vokładki Ksienija Korzun źviarnuła ŭvahu na jaje nadzvyčajnuju trahikamičnaść. «Mnie spadabałasia kancepcyja: usio dziejańnie pieradadzienaje maleńkimi jomistymi štryškami», — dzielicca svaimi ŭražańniami paśla pračytańnia piśmieńnik Dzianis Drobyšaŭ.
Kirył Duboŭski — finalist konkursaŭ maładych litarataraŭ da stahodździa haziety «Naša niva» (Minsk, 2007), Słovo.doc (Minsk, 2009), imia Łarysy Hienijuš (Minsk, 2010). Siabar Biełaruskaha PEN-centra. Pieršaja jahonaja kniha — «Chorošij roman» — vyjšła ŭ 2012 hodzie.
Prezientacyja «Planktonus Vulgaris» adbudziecca 17 śniežnia ŭ 19.30 u kniharni «łohvinaŬ» (Minsk, pr. Niezaležnaści, 37a).
Uvachod volny!
