11 i 12 śniežnia ŭ Prazie projduć prezientacyi knihi Paŭła Sieviarynca «Lublu Biełaruś» na českaj movie.
Pierakład ažyćciaviła českaja chryścijanka Śviatłana Vranava, dapamahli z vydańniem biełaruskaja supołka «Pahonia», česki PEN-centr, Meryja Prahi, hramadzkija arhanizacyi i českija chryścijanskija demakraty.
U čaćvier, 11 śniežnia, a 19.00 prezientacyja projdzie ŭ Domie nacyjanalnych mienšaściaŭ (vuł. Vocełava, 602/3), a ŭ piatnicu 12 śniežnia - a 18.00 u «Biełaruskaj kluboŭni» (vuł. 5 traŭnia, 1043/32, 4 Nuśle), paviedamlaje krynitsa.info.
Prezientacyi projduć z udziełam aŭtara, Paŭła Sieviarynca, viadučych českich palitykaŭ — Kareła Švarcenbierha, Paŭła Biełabradeka, Jaramira Štetyna, Paŭła Svobady, lideraŭ biełaruskaj emihracyi i, kaniečnie, cudoŭnaj pierakładčycy-biełarusistki Śviatłany Vranavaj.
