Sud Centralnaha rajona Homiela 10 śniežnia abviaściŭ pryhavor pa kryminalnaj spravie viadomaha kryminalnaha aŭtarytetu Alaksandra Miadźviedzieva.
Jon pryhavorany da 7 hadoŭ pazbaŭleńnia voli z kanfiskacyjaj majomaści, a dva jaho saŭdzielniki — 35-hadovy i 23-hadovy žychary Homiela — atrymali pa 5,5 hoda pazbaŭleńnia voli z kanfiskacyjaj majomaści. Prysud pakul nie nabyŭ moc.
44-hadovamu abvinavačvanamu, bolš viadomamu ŭ kryminalnym asiarodździ jak Miedźviedziania, inkryminujucca złačynstvy minułych hadoŭ na padstavie č. 2 art. 208 KK (vymahalnictva, učynienaje paŭtorna, abo hrupaj asob pa papiaredniaj zmovie, abo z prymianieńniem nasilla, nie niebiaśpiečnaha dla žyćcia ci zdaroŭja paciarpiełaha).
Niefarmalny status złodzieja ŭ zakonie Miedźviedziania atrymaŭ 10 śniežnia 2012 hoda na zładziejskaj schodcy ŭ Abjadnanych Arabskich Emiratach, i nieŭzabavie byŭ zatrymany rasijskimi palicejskimi za niezakonnaje zachoŭvańnie narkotykaŭ. 16 maja 2013 hoda Charašeŭski rajonny sud Maskvy pryznaŭ Alaksandra Miadźviedzieva vinavatym u niezakonnym zachoŭvańni biez mety zbytu narkatyčnych srodkaŭ u bujnym pamiery. Biełarusa za 15 hramaŭ hašyšu pryhavaryli da pazbaŭleńnia voli terminam na 11 miesiacaŭ. Pakarańnie Miadźviedzieŭ adbyvaŭ u adnoj z kałonij Murmanskaj vobłaści. Vyjści na volu jon pavinien byŭ 14 lutaha hetaha hoda, adnak paśla zakančeńnia terminu ŭ kałonii jaho sustreli pradstaŭniki biełaruskich pravaachoŭnych orhanaŭ.
Prysud u Homieli staŭ dla Miadźviedzieva jaho adzinaccataj sudzimaściu.
