Čachoł dla iPhone, madel Red Soft Devil
U narodzie papularnaje mierkavańnie: elektramahnitnyja pali ad mabilnikaŭ vyklikajuć lejkiemiju, rak i biaspłodnaść. Praz heta daktary rekamiendujuć ustrymacca ad doŭhich razmovaŭ pa mabilnych telefonach.
Mančesterskija chimiki pravieryli, jak upłyvaje słaboje mahnitnaje vypramieńvańnie na fłavaprateiny — białki, jakija vykonvajuć važnuju rolu ŭ kiravańni niervovaj sistemaj i adnaŭleńni DNK.
Daśledavańnie pakazała: nijak. Bijachimičny efiekt ad vypramieńvańnia imkniecca da nula.
Inšaja daśledavańnie, praviedzienaje brytanskim Ahienctvam pa abaronie zdaroŭja nasielnictva u 2010 hodzie, taksama nie znajšło dokazaŭ škodnaha ŭździejańnia mabilnikaŭ, bazavych stancyj i Wi-Fi-sietak na zdaroŭje čałavieka.
Daśledavańni ŭ hetaj halinie praciahvajucca, bo pakul nie vyvučanyja doŭhaterminovyja efiekty paŭsiudnych mabilnych telefonaŭ dy ich upłyŭ na čałaviečaje zdaroŭje z usich bakoŭ.
Nie varta całkam zabyvać ab zdaroŭi pry karystańni mabilnikam.
Naprykład, doŭhaje čytańnie z ekrana smartfona ŭ składanych umovach škodzić vačam nie mieniej, čym čytańnie knih u paŭzmroku. Prasłuchoŭvańnie praźmierna hučnaj muzyki ŭ słuchaŭkach moža sapsavać słych. Strata ŭvahi pry karystańni elektronikaj taksama niebiaśpiečnaja: za rulom zabaroniena telefanavać ci nabirać SMS, a ź niadaŭniaha času ŭ mietro nielha znachodzicca ŭ navušnikach.
