Na sajcie Dziaržaŭnaha mytnaha kamiteta Biełarusi źjaviłasia zajava nakont «uviadzieńnia mytnaha kantrolu» na miažy Biełarusi i Rasii.
«Raźmieščanaja ŭ rasijskich ŚMI, pra «adnaŭleńnie mytnaha kantrolu na miažy z Rasijskaj Fiederacyjaj» nie adpaviadaje rečaisnaści, havorycca ŭ zvarocie da ŚMI.
Mytnyja orhany Respubliki Biełaruś vykonvajuć zadačy, źviazanyja z zabieśpiačeńniem zachavańnia mytnaj pracedury mytnaha tranzitu tavaraŭ, jakija iduć praz terytoryju Respubliki Biełaruś, u strohaj adpaviednaści z mytnym zakanadaŭstvam Mytnaha sajuza i zakanadaŭstvam Respubliki Biełaruś ab mytnym rehulavańni.
Dziaržaŭnym mytnym kamitetam Respubliki Biełaruś sumiesna ź Fiederalnaj mytnaj słužbaj Rasijskaj Fiederacyi vypracavany padychody, jakija prymianiajucca pry mytnym administravańni tavaraŭ, zabaronienych da ŭvozu ŭ Rasijskuju Fiederacyju, pry ich pieramiaščeńni praź biełaruski ŭčastak hranicy Mytnaha sajuza.
U vyniku praviadzieńnia płanavych kantrolnych mierapryjemstvaŭ mytnymi orhanami Respubliki Biełaruś va ŭzajemadziejańni ź inšymi pravaachoŭnymi i kantralujučymi orhanami była zafiksavana nievialikaja kolkaść sprobaŭ ŭvozu na terytoryju Rasijskaj Fiederacyi tavaraŭ sankcyjnaj hrupy.
Razam z tym, mytnyja orhany ŭ adpaviednaści z kampietencyjaj ažyćciaŭlajuć mytny kantrol jak na źniešnim učastku miažy Respubliki Biełaruś, tak i na astatniaj jaje terytoryi.
Pierasoŭnymi apieratyŭnymi hrupami va ŭzajemadziejańni ź inšymi kantrolnymi orhanami pravodzicca manitorynh transpartnych srodkaŭ, jakija iduć z Rasijskaj Fiederacyi ŭ Respubliku Biełaruś. U vyniku takoha manitorynhu nieadnarazova vyjaŭlalisia vypadki poŭnaj adsutnaści ŭ pieravozčykaŭ dakumientaŭ u adnosinach da pieramiaščajemych tavaraŭ, a taksama parušeńni praviłaŭ vieterynarnych, fitasanitarnych i inšych patrabavańniaŭ.
Tavary, u dačynieńni da jakich u adpaviednaści z zakanadaŭstvam dakumienty aformlenyja naležnym čynam, pieramiaščajucca pa terytoryi Respubliki Biełaruś bieśpieraškodna, havorycca ŭ zajavie.
