fota Siarhieja Zinina
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
«Na hetym tydni na terytoryi krainy budzie pachmurna i syra, čakajucca apadki, hałalod,
a ŭ druhoj pałovie tydnia jašče i paryvisty viecier», — skazaŭ Dźmitryj Rabaŭ.
U pieršaj pałavinie tydnia nadvorje budzie vyznačać atmaśfierny front z Zachodniaj Jeŭropy.
U aŭtorak, 9 śniežnia, nočču i ranicaj na bolšaj častcy terytoryi prahnazujecca śnieh i mokry śnieh, dniom nievialikija apadki projduć tolki miescami. U niekatorych rajonach budzie tuman, čakajecca hałalod, na darohach hałalodzica. Tempieratura pavietra nočču składzie ad 0 pa paŭdniovym zachadzie da minus 7 hradusaŭ pa paŭnočnym uschodzie. Dniom - ad minus 4 da 1 hradusa ciapła.
10-11 śniežnia miescami projduć karotkačasovyja apadki, u asnoŭnym mokry śnieh, tuman, hałalod. Na niekatorych učastkach daroh hałalodzica. Tempieratura pavietra nočču składzie ad 0 da minus 7 hradusaŭ,
pry prajaśnieńniach prahnazujecca minus 8-10 hradusaŭ. Dniom budzie ad minus 5 da plus 1.
«U nastupnyja dni ŭładu nad nadvorjem voźmie aktyŭny i šyroki cykłon z centram nad Skandynavijaj, a praz terytoryju Biełarusi buduć prachodzić pastajannyja jaho spadarožniki - atmaśfiernyja franty. Pad ich upłyvam pačnie ŭzmacniacca viecier», - dadaŭ Dźmitryj Rabaŭ.
U piatnicu, 12 śniežnia, na bolšaj častcy terytoryi respubliki projduć karotkačasovyja apadki, u asnoŭnym mokry śnieh. Miescami źjavicca tuman, słaby hałalod, na darohach hałalodzica. Dniom pa paŭnočnym zachadzie čakajecca ŭzmacnieńnie vietru z paryvami da 15-18 mietraŭ za siekundu. Tempieratura pavietra nočču składzie minus 1-8 hradusaŭ, dniom prahnazujecca ad 4 marozu da 2 ciapła.
U subotu, pieravažna pa paŭnočnym zachadzie, projduć karotkačasovyja apadki (mokry śnieh, doždž). Miescami mahčymy słabyja tumany, na darohach hałalodzica.
U niekatorych rajonach prahnazujecca ŭzmacnieńnie vietru paryvami da 15—18 mietraŭ za siekundu.
Tempieratura pavietra nočču składzie ad minus 6 da plus 1 hradusa, dniom čakajecca ad minus 2 da 3 hradusaŭ ciapła.
14 śniežnia na bolšaj častcy terytoryi krainy prahnazujucca karotkačasovyja apadki, u asnoŭnym mokry śnieh. Miescami - tumany i hałalod. Na niekatorych učastkach daroh hałalodzica. Tempieratura pavietra nočču składzie ad 0 da minus 7 hradusaŭ, dniom budzie ad minus 3 da plus 3 hradusaŭ.
