fota Siarhieja Zinina
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
«Pieravažny ŭpłyŭ na nadvorje ŭ Biełarusi na hetym tydni buduć akazvać chałodnyja antycykłony. Pad ich upłyvam bolšuju častku tydnia siaredniasutačnaja tempieratura pavietra budzie na 3-8 hradusaŭ nižejšaj za klimatyčnuju normu, da kanca tydnia čakajecca asłableńnie marazoŭ i apadki», - skazaŭ Dźmitryj Rabaŭ.
U aŭtorak istotnych apadkaŭ nie prahnazujecca. Miescami źjaviacca słabyja tumany, šerań. Na asobnych učastkach daroh prahnazujecca hałalodzica.
Tempieratura pavietra nočču składzie minus 6—12 hradusaŭ, pry prajaśnieńniach budzie ad 13 da 16 hradusaŭ marozu, dniom — minus 3-9 hradusaŭ.
Ź sierady pa piatnicu charaktar nadvorja istotna nie źmienicca. U sieradu tempieratura pavietra nočču składzie minus 6-13 hradusaŭ, pa paŭdniovym uschodzie pry prajaśnieńniach budzie da 15 marozu, u dzionnyja hadziny čakajecca minus 1-7 hradusaŭ. U čaćvier i piatnicu prahnazujecca minus 3-10 hradusaŭ, pry prajaśnieńniach - ad 11 da 13 marozu, dniom čakajecca ad 0 da minus 7 hradusaŭ.
«U vychadnyja charaktar nadvorja źmienicca: marazy asłabnuć, zatoje buduć adznačacca apadki i hałalodnyja źjavy.
Na terytoryju Biełarusi pačnuć pastupać bolš ciopłyja i vilhotnyja pavietranyja masy z poŭdnia Jeŭropy, pad upłyvam jakich tempieratura pavietra pavysicca», - dadaŭ pradstaŭnik Hidramieteacentra.
U subotu miescami projduć karotkačasovyja apadki ŭ vyhladzie śniehu i mokraha śniehu, čakajecca słaby hałalod, na asobnych učastkach daroh hałalodzica. Tempieratura pavietra nočču składzie minus 2-9 hradusaŭ, dniom budzie ad minus 4 da plus 2 hradusaŭ. U niadzielu tempieratura pavietra ŭnačy składzie ad 0 da minus 7 hradusaŭ, dniom budzie ad 4 marozu da 2 ciapła.
