Asmaa Waguih/Reuters

Asmaa Waguih/Reuters

Jehipiecki sud źniaŭ abvinavačvańni sa zrynutaha prezidenta Chośni Mubaraka ŭ chodzie paŭtornaha razhladu spravy ab arhanizacyi zabojstva sotniaŭ pratestoŭcaŭ.

U subotu sud taksama apraŭdaŭ eks-kiraŭnika MUS Jehipta Chabiba al-Adli i jaho šaściarych pamočnikaŭ, jakich taksama abvinavačvali ŭ datyčnaści da zabojstva demanstrantaŭ.

Z Chośni Mubaraka taksama źniatyja abvinavačvańni ŭ karupcyi, źviazanyja sa spravaj ab pastaŭkach hazu Izrailu.

Eks-prezident byŭ pryznany vinavatym try hady tamu, adnak u studzieni 2013 hoda prysud byŭ admienieny pa techničnych pryčynach — sud zadavoliŭ apielacyi dvuch śviedak.

86-hadovy Mubarak adkidvaŭ usie abvinavačvańni. Raniej jon zajaŭlaŭ, što nikoli nie moh by addać zahadu ab rasstrele demanstrantaŭ.

Jon padkreśliŭ, što staraŭsia zrabić usio, što ad jaho zaležyć, kab najlepšym čynam vykanać svaje prezidenckija abaviazki.

Pry hetym jon pryznaŭ, što dapuściŭ pamyłki, budučy lidaram krainy.

«Chośni Mubarak, jaki siońnia znachodzicca pierad vami, nie addavaŭ zahadu ab zabojstvie demanstrantaŭ ci pra kryvapralićcie jehipcian, — zajaviŭ były prezident u pamiaškańni suda, začytvajučy zahadzia padrychtavanuju zajavu. — Ja nie addavaŭ zahadu ab rospusku sił biaśpieki z metaj stvareńnia chaosu ŭ krainie».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?