MZS RF zaklikaŭ Jeŭrasajuz źniać sankcyi suprać Rasii, uviedzienyja z-za situacyi va Ukrainie, i paabiacaŭ u hetym vypadku admovicca ad abmiežavalnych mier u adkaz. Pra heta zajaviŭ namieśnik kiraŭnika viedamstva Alaksiej Miaškoŭ.

«My ad našych jeŭrapiejskich partnioraŭ ničoha nie čakajem. Adzinaje, na što my raźličvajem, — kab jany vyjšli ź biessensoŭnaj sankcyjnaj śpirali i pajšli pa šlachu admieny sankcyj i «čornych śpisaŭ», što, u svaju čarhu, dazvolić nam admovicca ad našych śpisaŭ. Heta budzie sadziejničać i admovy nami ad pryniatych kontrzachadaŭ», — skazaŭ jon.

Miaškoŭ dadaŭ, što, pa dadzienych samoha Jeŭrasajuza, straty ad sankcyj suprać Rasii ŭ hetym hodzie mohuć skłaści kala 40 miljardaŭ jeŭra, a ŭ nastupnym hodzie jany mohuć vyraści jašče na 10 miljardaŭ jeŭra. «Acenak z našaha boku ja pakul nie bačyŭ, ale ličby pavinny być supastaŭnyja», — udakładniŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?