Rada Jeŭrasajuza ŭviała sankcyi ŭ dačynieńni da 13 dziejačaŭ samaabvieščanych Danieckaj i Łuhanskaj «narodnych respublik» i piaci arhanizacyj.

Dakumient, apublikavany ŭ aficyjnym časopisie Jeŭrapiejskaha sajuza, pašyraje pryniataje 17 sakavika rašeńnie ŭ dačynieńni da asob, «jakija pahražajuć terytaryjalnaj cełasnaści, suvierenitetu i niezaležnaści Ukrainy».

Niekatoryja z uklučanych u sankcyjny śpis asob majuć dačynieńnie da praviadzieńnia tak zvanych vybaraŭ u «DNR» i «ŁNR», što nie byli pryznanyja ŭkrainskimi ŭładami i Zachadam.

Tak, sankcyi ŭviedzieny ŭ dačynieńni da kiraŭnika «centralnaj vybarčaj kamisii» Łuhanska Siarhieja Kaźjakova, a taksama Aleha Akimava i Łarysy Ajrapiecian, jakija bałatavalisia na «vybarach» u «ŁNR», a taksama Juryja Sivakonienki, Alaksandra Kofmana, jakija byli kandydatami ŭ «DNR»,

U śpis uvajšli siabry «ŭradaŭ» samaabvieščanych respublik, u tym liku pieršy vice-premjer «DNR» Ravil Chalikaŭ, kiraŭnik administracyi Jaŭhien Michajłaŭ, ministry finansaŭ, abarony, a taksama adukacyi, navuki, kultury i relihii «ŁNR» Dźmitryj Siamionaŭ, Aleh Buhroŭ i Lesia Łapcieva, a taksama ministr adukacyi «DNR» Ihar Kaścionak. Uklučany ŭ śpis taksama členy zakanadaŭčych orhanaŭ «DNR» Uładzisłaŭ Dejna i Jaŭhien Arłoŭ.

U sankcyjny śpis byli taksama ŭklučany piać palityčnych abjadnańniaŭ — ruchi «Danieckaja respublika», «Mir Łuhanščynie», «Svabodny Danbas», «Narodny sajuz» i «Łuhanski ekanamičny sajuz».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?