Hramadzianski aktyvist Valer Adstaŭnych zładziŭ antyvajennuju akcyju ŭ Tule: jon uručyŭ akcioru Ivanu Achłabyścin butlu, napoŭnienuju kryvioju. Pa słovach aktyvista, u pasudzinie była kroŭ hramadzian Rasii i Ukrainy. Akcyja była praviedziena, kab prysaromić akciora, jaki, pa słovach aktyvista, «uvieś čas prahnie kryvi — i ŭkrainskaj, i ruskaj», bo Achłabyści «prapanuje pačać krovapralitnuju vajnu» Rasii i Ukrainy.

Akcyja była praviedziena ŭ Haradskoj kancertnaj zale (HKZ) Tuły, dzie 28 listapada ŭviečary prachodziŭ interaktyŭny monaśpiektakl Achłabyścina «Duchoŭnyja hutarki».

Adstaŭnych adpraviŭ zapisku, zadaŭšy pytańnie, ci možna padaryć ziemlaku padarunak (Adstaŭnych — uradženiec Tulskaj vobłaści, jak i sam Achłabyścin).

Jak vidać na videazapisie, na scenu padniaŭsia Adstaŭnych i ŭručyŭ Achłabyścinu pasudzinu. Paźniej Achłabyścin napisaŭ u Twitter: «Ech, Valeryj, ech, Adstaŭnych! U tvaich vienach ciače žuravinavy sok. Kiślacina, jak usio tvajo žyćcio», — namiaknuŭšy, što pakaštavaŭ źmieściva butelečki.

Raniej rasijski akcior, jaki adnačasova źjaŭlajecca pravasłaŭnym śviatarom, zaklikaŭ «ŭziać Maryupal, Adesu i Charkaŭ», a taksama zajaŭlaŭ, što takoj krainy, jak Ukraina, «nie było i nie budzie» i «nie pavinna isnavać u pryncypie».

Adznačym, što heta ŭžo nie pieršaja padobnaja akcyja. Raniej u Maskvie aktyvistka Kaciaryna Maldon ŭručyła akcioru Michaiłu Parečienkavu, jaki pastralaŭ z kulamiota padčas pieramirja na Danbasie, miedal «Za Łuhandon» prosta na premjery śpiektakla «Tramvaj «Žadańnie» ŭ MCHAT imia Čechava.

Клас
0
Панылы сорам
0
Ха-ха
0
Ого
0
Сумна
0
Абуральна
0