Namieśnik staršyni Kansiervatyŭna-chryścijanskaj partyi — BNF Juraś Bieleńki 28 listapada aštrafavany sudom Leninskaha rajona Minska na 30 bazavych vieličyniaŭ (4,5 młn. rubloŭ).

Jak paviedamiŭ Bieleńki, jaho pryznali vinavatym u parušeńni arhanizacyi i praviadzieńnia masavych mierapryjemstvaŭ (artykuł 23.34 Kodeksa ab administracyjnych pravaparušeńniach), jakoje było dapuščanaje pry praviadzieńni akcyi 9 listapada ŭ Minsku, prymierkavanaj da dnia paminańnia prodkaŭ Dziady.

Rašeńnie suda Bieleńki nazvaŭ absurdnym, tamu što nijakija zaŭvahi z boku milicyi padčas akcyi nie vykazvalisia.

Nahadajem, 17 listapada Bieleńkaha sudzili jašče za adnu akcyju, prymierkavanuju da Dziadoŭ, jakaja prajšła ŭ Minsku 2 listapada. Sudom Pieršamajskaha rajona Minska pavodle anałahičnaha abvinavačańnia jon byŭ aštrafavany na 20 bazavych vieličyniaŭ (3 młn. rubloŭ).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?