Deputat Dziarždumy ad «Adzinaj Rasii» Valeryj Jakušaŭ ličyć, što byłoha prezidenta Ukrainy Viktara Janukoviča pavinny sudzić na radzimie.

Pra heta jon skazaŭ radyjostancyi «Hovorit Moskva».

«Janukoviču ŭ Rasii miesca nie pavinna być. Hety čałaviek zdradziŭ usiumu ŭkrainskamu narodu i ŭciok, jaho treba znajści i sudzić doma. I my nie pavinny jaho padtrymlivać», — skazaŭ Jakušaŭ.

Pavodle jaho słoŭ, padobnyja da Janukoviča palityki nie pavinny mieć prytułak u RF.

«Tym, chto choča tut schavacca i narmalnamu rabočamu čałavieku nie zmoh dapamahčy, miesca niama ŭ Rasii. Spačatku ŭ siabie naviadzi paradak, tam stvary ŭmovy, ale jany ŭciakli», — padkreśliŭ deputat.

 

Jak paviedamlałasia, raniej deputat Dziarždumy Rasii ad frakcyi KPRF Valeryj Raškin prapanavaŭ rasijskim uładam vydać Ukrainie «nie čystych na ruku uciekačoŭ — ŭkrainskich palitykaŭ i ich svajakoŭ».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?