Pratakoł pamiž uradami Biełarusi i Rasii ab uniasieńni źmianieńniaŭ u pahadnieńnie ab paradku vypłaty i zaličeńnia vyvaznych mytnych pošlin (inšych pošlin, padatkaŭ i zboraŭ, jakija majuć ekvivalentnaje dziejańnie) pry vyvazie z terytoryi Biełarusi za miežy mytnaj terytoryi Mytnaha sajuza nafty syroj i asobnych katehoryj tavaraŭ, vypracavanych z nafty, ad 9 śniežnia 2010 hoda harantuje atrymańnie Biełaruśsiu štohod u biudžet da 2025 hoda 1,5 młrd dalaraŭ naftapošlin, ale pry košcie nafty nie nižej za 70 dołaraŭ za barel. Pra heta paviedamiŭ namieśnik ministra finansaŭ Biełarusi Dźmitryj Kijko. 

Pavodle jaho słoŭ, jość adzin niuans, jaki źviazany z tym, što staŭka vyvaznoj mytnaj pošliny pryviazana da cany na naftu.

«Jość adpaviednaja formuła, i jość adpaviednyja kaeficyjenty. I čym nižejšy košt nafty na suśvietnym rynku, tym nižejšaja staŭka ekspartnaj pošliny. Adpaviedna pry rezkim źnižeńni cen buduć źnižacca i sumy vyvaznych mytnych pošlin, jakija buduć padlahać pieraliku ŭ biełaruski biudžet»,

— skazaŭ namieśnik ministra. 

«U pryncypie farmiravańnie ŭ biudžecie krynic u 1,5 młrd dalaraŭ, pavodle papiarednich acenak, budzie zabiaśpiečana pry suśvietnaj canie na naftu nie nižej za 70 dalaraŭ za barel. Kali takija ŭmovy buduć zachoŭvacca, to biudžet da 2025 hoda, da času zakančeńnia dziejańnia pratakoła, harantavana budzie atrymlivać sumu ŭ 1,5 młrd dalaraŭ», — kanstatavaŭ Kijko. 

Prajekt zakona ab ratyfikacyi pratakoła pamiž uradami Biełarusi i Rasii ab uniasieńni źmianieńniaŭ u pahadnieńnie ab paradku vypłaty i zaličeńnia vyvaznych mytnych pošlin (inšych pošlin, padatkaŭ i zboraŭ, jakija majuć ekvivalentnaje dziejańnie) pry vyvazie z terytoryi Biełarusi za miežy mytnaj terytoryi Mytnaha sajuza nafty syroj i asobnych katehoryj tavaraŭ, vypracavanych z nafty, ad 9 śniežnia 2010 hoda saviet respubliki ŭchvaliŭ na siońniašnim pasiadžeńni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?