Staličnaje kamunalnaje pradpryjemstva «Śpieckambinat KBA», jakoje zajmajecca ŭtrymańniem haradskich mohiłak i krematoryja, usio bolš vostra adčuvaje prablemu niedachopu svabodnych terytoryj dla pachavańnia ŭ ziamli (inhumacyi).

— Tamu siońnia aktualna pytańnie ab kremacyi (spalvańni) pamierłych, jakoje pačało aktyŭna abmiarkoŭvacca jašče ŭ 80-ja hady minułaha stahodździa, — adznačyŭ namieśnik dyrektara pa ideałahičnaj pracy UP «Śpieckambinat KBA» Siarhiej Tur. — Kremacyja ekałahična bolš prymalnaja, čym pachavańnie ŭ ziamlu. Pry hetym adpadaje nieabchodnaść pošuku novych ziamiel dla budaŭnictva mohiłak. Kałumbarnyja ścieny jość na mohiłkach «Uschodnija», «Paŭnočnyja», «Zachodnija», «Kalvaryjskija», «Čyžoŭskija» i ŭ Minskim krematoryi. Akramia taho, možna padzachavać skryniu z popiełam u mahiłu pamierłych svajakoŭ, a taksama vyvieźci prach dla pachavańnia na mohiłkach luboha nasielenaha punkta, u tym liku za miežami krainy. Zdymajecca i takoje vostraje pytańnie, jak niedahledžanyja mahiły. Kali pryniać da ŭvahi suśvietny vopyt, to, pa prahnozach śpiecyjalistaŭ, u chutkim časie kremacyja składzie 60% ad usich form pachavańnia. U lubym vypadku, prava vybaru jość u kožnaha.

 

U Biełarusi pieršy i adziny krematoryj adčyniŭsia ŭ 1986 hodzie. Z taho času praviedziena bolš za 100 tys. kremacyj — takaja ž kolkaść pachavańniaŭ u ziamlu znachodzicca na mohiłkach «Paŭnočnyja».

U biahučym hodzie ŭ Minskim krematoryi praviedziena bolš za 6 tys. kremacyj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?