Były palitviazień Alaksandr Małčanaŭ adbyŭ siamisutačny administracyjny aryšt pavodle abvinavačańnia ŭ chulihanstvie. Pra heta stała viadoma 28 listapada paśla jaho vyzvaleńnia. 

«Niadaŭna ja pryjechaŭ z Ukrainy pahaściavać u rodny horad Barysaŭ. I treba mnie było pažyć na radzimie ŭsiaho niekalki dzion, jak pačalisia niepryjemnaści», — napisaŭ Małčanaŭ na svajoj staroncy ŭ sietcy «Fejsbuk». 

Tydzień tamu, paviedamiŭ Małčanaŭ, da jaho na praśpiekcie Revalucyi padyšli dvoje nieznajomych mužčyn i stali vystaŭlać jamu pretenzii nakont kradziažu rečaŭ z aŭtamabila. Małčanaŭ prapanavaŭ im źviarnucca ŭ milicyju, kali jany jaho ŭ niečym padazrajuć, paśla čaho nieznajomcy pačali jaho bić. Tut ža źjavilisia supracoŭniki milicyi, pryčym nie radavyja, a, jak śćviardžaje Małčanaŭ, «davoli važnyja šyški ŭ maštabach Barysaŭskaha RAUS». Paśla ich źjaŭleńnia dvoje nieviadomych uciakli, a sam jon byŭ zatrymany. «Vinavatym staŭ ja — brudna łajaŭsia (što, darečy, sapraŭdy mieła miesca)», — piša Małčanaŭ. 

Paśla vyzvaleńnia Małčanaŭ pavinien zapłacić 526 tysiač rubloŭ — «za servis u IČU». «Lišni raz z domu vychodzić nie budu, pakul znachodžusia na terytoryi RB, — bajusia znoŭ pačać łajacca», — piša były palitviazień.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?