Telekanał «Biełaruś 2» pakaža ŭsie etapy Kubka śvietu pa bijatłonie i čempijanat śvietu, paviedamlaje pres-słužba Biełteleradyjokampanii.

30 listapada ŭ šviedskim Estersundzie voźmie start pieršy etap Kubka śvietu pa bijatłonie. Telekanał «Biełaruś 2» pakaža ŭ pramym efiry ŭsie dzieviać etapaŭ čarhovaha rozyhryšu. Apošni start, jaki projdzie ŭ Chanty-Mansijsku, hledačy ŭbačać 22 sakavika.

A z 5 pa 15 sakavika projdzie čempijanat śvietu ŭ finskim Kancijałachci, jaki zaŭziatary ŭ poŭnym abjomie taksama ŭbačać u efiry «Biełaruś 2». 

U skład nacyjanalnaj kamandy na pieršy etap Kubka śvietu, jaki projdzie z 30 listapada pa 7 śniežnia, uvajšli Darja Domračava, Nadzieja Skardzina, Anastasija Dubarezava, Nadzieja Pisarava, Iryna Kryŭko, Uładzimir Čapielin, Juryj Ladaŭ, Alaksandr Darožka i Dźmitryj Budziłovič.

30 listapada ŭ 17.25 «Biełaruś 2» pakaža źmiašanuju estafietu. 

3 śniežnia ŭ 19.10 adbudziecca pramaja tranślacyja indyvidualnaj honki ŭ mužčyn.
4 śniežnia ŭ 19.10 indyvidualnuju honku praviaduć žančyny.
6 śniežnia ŭ 13.25 «Biełaruś 2» pakaža mužčynski sprynt. A ŭ 16.40 amatary bijatłona zmohuć panazirać užo za žanočym spryntam.
7 śniežnia ŭ 12.55 adbudziecca pramaja tranślacyja honki pieraśledu ŭ mužčyn. U hety ž dzień u 15.25 telekanał pakaža žanočuju honku pieraśledu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?