Praviły pieravozki pasažyraŭ u častcy, jakaja ŭ asnoŭnym datyčycca pieravozak dziaciej na aŭtobusach, źmianiajucca ŭ Biełarusi z 27 lutaha 2015 hoda, heta značyć z momantu ŭstupleńnia ŭ siłu pastanovy Saŭmina numar 1087 ad 22 listapada 2014 hoda, havorycca na Nacyjanalnym pravavym internet-partale Biełarusi.

Naprykład, pastanovaj praduhledžana abaviazkovaje pavyšeńnie kvalifikacyi dla vadzicielaŭ transpartnych srodkaŭ, jakija zajmajucca pieravozkaj pasažyraŭ na aŭtatransparcie, nie radziej za adzin raz u piać hadoŭ pa adzinych prahramach pavyšeńnia kvalifikacyi vadzicielaŭ miechaničnych transpartnych srodkaŭ adpaviednaj katehoryi. Pryčym mienavita heta norma ŭstupaje ŭ siłu nie z 27 lutaha, a z 27 maja 2015 hoda.

Taksama ŭ pastanovie havorycca, što aŭtamabilny pieravozčyk, jaki vykonvaje aŭtamabilnyja pieravozki hrup dziaciej aŭtobusami ŭ nierehularnych znosinach, abaviazany pa patrabavańni zakazčyka pradstaŭlać dakumienty, što paćviardžajuć vykanańnie patrabavańniaŭ zakanadaŭstva da takich pieravozak. Akramia taho, pieravozka hrup dziaciej aŭtobusami moža ažyćciaŭlacca z 5.00 da 23.00, a z 23.00 da 05.00 dziaciej možna padvozić na aŭtobusach da čyhunačnych vakzałaŭ i aeraportaŭ i ad ich, a taksama da bližejšaha miesca načlehu pry zatrymkach u darozie. Va ŭmovach niedastatkovaj bačnaści (tuman, doždž, śniehapad i da taho padobnaje) aŭtamabilnaja pieravozka dziciačych hrup na aŭtobusach nie rekamiendujecca.

Akramia taho, praviły aŭtamabilnych pieravozak pasažyraŭ dapoŭnieny hłavoj, rehłamientujučaj aŭtamabilnyja pieravozki dziaciej, jakija navučajucca va ŭstanovach daškolnaj, ahulnaj siaredniaj i śpiecyjalnaj adukacyi, na školnych aŭtobusach ad miesca žycharstva (miesca znachodžańnia) da miesca vučoby i nazad. Takija pieravozki pavinny arhanizoŭvacca miascovymi vykanaŭčymi i rasparadčymi orhanami. Da pieravozki dziaciej školnymi aŭtobusami dapuskajucca vadzicieli z pravami na katehoryju D. Jany pavinny mieć nie mienš za trochhadovy staž kiravańnia transpartnym srodkam katehoryj B, S abo D. Jašče adna ŭmova: na praciahu apošniaha hoda vadziciel nie pryciahvaŭsia da administracyjnaj adkaznaści pa č.1, č.3, č.4 i č.9 art.18.12, a taksama art.18.13 - 18.19, art.18.21, art.18.22 i art.18.26 KoAP. Bolš taho, vadzicieli pavinny prachodzić stažyroŭki, vyznačanyja zakanadaŭstvam.

Ustanovy adukacyi abo aŭtamabilnyja pieravozčyki, jakija vykonvajuć aŭtobusnyja pieravozki dziaciej, abaviazany zahadzia, ale nie paźniej za dziesiać dzion da pačatku ažyćciaŭleńnia pieravozak u navučalnym hodzie, pradstavić u padraździaleńnie DAI (pa miescy znachodžańnia ŭstanovy adukacyi abo aŭtamabilnaha pieravozčyka) aficyjnaje paviedamleńnie ab płanujemych pieravozkach dziaciej školnymi aŭtobusami. U paviedamleńni pavinny być ukazany pieryjad času vykanańnia pieravozak i maršrut, marka i rehistracyjny znak školnaha aŭtobusa, proźviščy i inicyjały vadzicielaŭ, jakija buduć vykonvać pieravozki, z prykładańniem kopij śpisaŭ dziaciej i asob, jakija ich supravadžajuć.

Akramia taho, ustanova adukacyi, da jakoj ažyćciaŭlajecca pieravozka dziaciej školnymi aŭtobusami, naznačaje na kožny taki aŭtobus darosłaha supravadžalnika. Kali ž kolkaść pieravozimych dziaciej bolšaja za 20 - dvuch darosłych supravadžalnikaŭ. Pieravozka dziaciej školnymi aŭtobusami dapuskajecca z 06.00 da 21.00.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?