Dzicia amal 6 sutak pralažała ŭ hłybokaj komie, paviedamlaje kp.by. «Chłopčyk pamior. U 11:30 niedzie. My rychtujemsia da pachavańnia», — skazała pa telefonie žurnalistu «Kamsamołki» babula.

Pra žachlivy vypadak, što zdaryłasia ŭ Breście, stała viadoma ŭ paniadziełak. Jak paviedamiła ŭ toj dzień pres-słužba Śledčaha kamiteta, pry ahladzie miedrabotnikami ŭ dziciaci byli vyjaŭlenyja čerapna-mazhavaja traŭma, udar, aciok i hiematoma hałaŭnoha mozhu z krovaźlićciom, pierałom plača — ciažkija cialesnyja paškodžańni.

Viadoma, što 20-hadovaja maci piła, pakul baćka dziciaci byŭ na pracy. Syn staŭ płakać, i jana, kab jaho supakoić, naniesła nie mienš za 5 udaraŭ dałońniu pa tvary, zatym kidała jaho na kanapu i łožak, paśla čaho lehła spać. Dzicia, jakoje pry dychańni chrypieła, ranicaj znajšoŭ baćka. Maci admaŭlałasia vyklikać chutkuju.

Baćka raskazvaŭ, što z žonkaj pabraŭsia sioleta ŭ lutym, a paznajomilisia ŭ sakaviku 2013. Kłopat i dohlad ab ich sumiesnym dziciaci abciažarvali žonku, raniej jana prysyłała jamu sms-paviedamleńnie ab tym, što źbirajecca ździekavacca ź dziciaci.

21 listapada jon pajšoŭ na pracu kala 19 hadzin, viarnuŭsia dadomu ranicaj, 22 listapada, kala 4 hadzin. Kali sychodziŭ, to žonka zastavałasia adna ź dziciem, była ćviarozaj. Pa viartańni, jon vyjaviŭ na dziciaci ślady pabojaŭ. Jon patelefanavaŭ «103» i paviedamiŭ, što dzicia blednaje i chałodnaje, ale žonka prasiła nie vyklikać miedrabotnikaŭ.

Maci chłopčyka pryznała svaju vinu. Pry praviercy pakazańniaŭ jana pakazała, jakim čynam źbivała syna. Viadoma taksama, što jana ciažarnaja inšym dziciem.

Клас
Панылы сорам
Ха-ха
Ого
Сумна
Абуральна