Alaksandr Łukašenka źjaviŭsia pierad tele- i fotakamierami paśla apieracyi. Fatazdymki z sustrečy z hienieralnym sakratarom CK Kamunistyčnaj partyi Vjetnama Nhujen Fu Čonham, što znachodzicca ŭ Minsku z aficyjnym vizitam, źmiaściŭ sajt kiraŭnika Biełarusi.

«Abaviazkova ŭ nastupnym hodzie pryjedu ŭ Vjetnam», — zapeŭniŭ kiraŭnik biełaruskaj dziaržavy.

Jon prapanavaŭ pabudavać siońniašniuju sustreču takim čynam, kab «pieramovy źjavilisia etapam padrychtoŭki maštabnych dvuchbakovych damoŭlenaściej padčas budučaha vizitu ŭ Vjetnam».

Vitajučy vjetnamskuju delehacyju, Alaksandr Łukašenka skazaŭ: «Vy pryjechali ŭ rodnuju dla vas krainu». «My dobra pamiatajem našu sumiesnuju baraćbu, źviazanuju ź niezaležnaściu Vjetnama», — zaŭvažyŭ kiraŭnik dziaržavy.

Nahadajem, što ŭ subotu, 22 listapada, ŚMI sa spasyłkaj na pres-sakratara prezidenta Natallu Ejsmant paviedamili, što Alaksandu Łukašenku praviedziena apieracyja na kalennym sustavie. 

N.Ejsmant zajaviła, što Łukašenka atrymaŭ traŭmu padčas adnoj z chakiejnych trenirovak. «Apieracyja była płanavaj, ale z-za ščylnaha hrafika prezidenta pravieści jaje raniej było niemahčyma. Ciapier prezident pačuvajecca zdavalniajuča. Jon znachodzicca ŭ svajoj zaharadnaj rezidencyi. Dla reabilitacyi spatrebicca 3-4 dni. Svaje abaviazki prezident vykonvaje ŭ poŭnym abjomie», — zajaviła ŭ subotu pres-sakratar.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?