Apošnija dziejańni i słovy pradstaŭnikoŭ urada Złučanych Štataŭ viaduć da vysnovaŭ, što ZŠA majuć namier nie rabić surjoznych zachadaŭ datyčna palityčnaha režymu ŭ Biełarusi. Naadvarot,

vyhladaje na toje, što ZŠA hatovyja narmalizavać adnosiny z režymam Łukašenki ŭ jaho siońniašnim vyhladzie.

Pravaabarončaja i prademakratyčnaja rytoryka jak i padtrymka adpaviednych prajektaŭ zastanucca, ale bolš dla fasadu.

Słuchańni 19 listapada

Hetyja vysnovy byli padćvierdžanyja padčas słuchańniaŭ pa Biełarusi, Małdovie i Ukrainie, što pravioŭ Centr Uiłsana (Vašynhton). Pa Biełarusi pramaŭlali pradstaŭnik dziarždepartamienta Eryk Rubin i były ambasadar ZŠA u Biełarusi (1994—97) Kienet Jałavic. Dali mahčymaść vykazacca i časovamu pavieranamu Biełarusi ŭ Vašynhtonie Paŭłu Šydłoŭskamu.

Badaj što centralnym śćvierdžańniem hutarki stała mienavita zajava Šydłoŭskaha, jaki asprečyŭ toje, što ŭ Biełarusi majucca niavyrašanyja prablemy: «pytańnie palityčnaj aryjentacyi Biełarusi vyrašana raz i nazaŭsiody».

Časovy pavierany ŭ spravach Biełarusi ŭ ZŠA Pavieł Šydłoŭski prasiŭ prymirycca z tym, što «pytańnie palityčnaj aryjentacyi Biełarusi vyrašana raz i nazaŭsiody».

Časovy pavierany ŭ spravach Biełarusi ŭ ZŠA Pavieł Šydłoŭski prasiŭ prymirycca z tym, što «pytańnie palityčnaj aryjentacyi Biełarusi vyrašana raz i nazaŭsiody».

Zajavy i zachady Złučanych Štataŭ za apošnija miesiacy pakazvajuć, što Vašynhton hatovy z hetym znoŭ pahadzicca.

Ambasadar Jałavic, jaki pradstaŭlaŭ ZŠA padčas pracedury impičmenta, refierenduma i demantažu demakratyčnaj sistemy Biełarusi ŭ 1996 hodzie, zvyčajna zajmaje strymanuju pazicyju datyčna Łukašenki. Hetym razam jon taksama adznačyŭ «miratvorčyja» namahańni Łukašenki, jaho pavarot da nacyjanalistyčnaj rytoryki i rost papularnaści, a taksama raźvićcio hramadzianskaj supolnaści ŭ Biełarusi.

Eryk Rubin daŭ zrazumieć, što ZŠA imknucca paviarnuć adnosiny ź Biełaruśsiu ŭ stanoŭčaje rečyšča.

Tak, zachoŭvajucca razychodžańni Vašynhtona i Minska ŭ tym, jak heta zrabić, a taksama ŭ acency situacyi ŭ Biełarusi.

Praŭda, dziejnaść dziarždepartamienta rehuluje žorstki zakon ZŠA «Akt ab demakratyi ŭ Biełarusi», ale Rubin havaryŭ ab hetym zakonie bolš jak ab pieraškodzie, jakuju ŭ Dziarždepie vymušany ŭličvać pry pierachodzie da novaha farmata adnosinaŭ.

Pavarot u palitycy ZŠA pa Biełarusi

Admietna, što ZŠA mianiajuć palityku pa Biełarusi, kali režym Łukašenki ŭparta admaŭlajecca vykanać centralnuju pieradumovu — vyzvaleńnie palitźniavolenych. Bolš za toje, amierykancy robiać pavarot napiaredadni prezidenckich vybaraŭ 2015 hoda.

Pry hetym praź źniščeńnie značnaj častki palityčnych siłaŭ Łukašenka vyklučyŭ minimalnuju intryhu na vybarach.

Rezkaje źmiakčeńnie pazicyi da dyktatury moža aznačać, što ZŠA schilnyja pahadzicca z tym, što režym u Biełarusi zachavajecca i paśla 2015 hoda.

Pryčynaŭ pavarotu bačycca niekalki, u tym liku, niazdolnaść reštkaŭ biełaruskaj apazicyi abjadnacca, adsutnaść u ich idej i strach pierad mirnym pratestam. Paspryjała pieramienie i žadańnie amierykancaŭ dapamahčy ŭkraincam u vajnie suprać Rasii.

Ahresija Rasii va Ukrainie prymusiła amierykancaŭ pieraasensavać raniejšyja ŭstanoŭki.

ZŠA chočuć vieryć u toje, što Łukašenka — navat taki supiarečlivy pa Ukrainie — moža adyhrać stanoŭčuju rolu ŭ kanflikcie i tamu buduć ustrymlivacca ad cisku na režym. Faktyčna, ZŠA admaŭlajucca damahacca svabody ŭ Biełarusi, kab Ukraina zmahła abaranić svaje niezaležnaść, terytaryjalnuju cełasnaść i suvierenny vybar.

Pa hetych pryčynach ZŠA nie damahajucca ad Łukašenki istotnych sastupak pa pytańniach unutranaj palityki, niahledziačy na vidavočnuju ŭraźlivaść Łukašenki. Słabaja nie tolki ekanomika Biełarusi, imkliva słabieje ekanomika Rasii – hałoŭnaha sponsara režymu Łukašenki. Krainie patrebnyja inviestycyi i novyja kredyty MVF. Sam biełaruski prezident zakłapočany ahresiŭnymi pavodzinami Rasii i šukaje palohki ŭ adnosinach ź ES i ZŠA.

Tym časam, Złučanyja Štaty admaŭlajucca ad praktyčnaj dziejnaści pa demantažu biełaruskaj dyktatury. Apošnija padziei ŭ adnosinach Biełaruś — ES pakazvajuć, što hetaja pazicyja Zachadu skaardynavanaja.

* * *

Valer Kavaleŭski — były supracoŭnik ministerstva zamiežnych spraŭ Biełarusi. Jon viadzie błohi palitykabelarusi.blogspot.com i belaruspolitics.blogspot.com i tvitar @kavaleuski

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?