Kamandujučy suchaputnymi vojskami ZŠA ŭ Jeŭropie hienierał lejtenant Frederyk Ben Chodžes paraŭnaŭ napad na Talin z napadam na Paryž i nahadaŭ ab pryncypach kalektyŭnaj abarony. Pra heta paviedamlaje Eesti Päevaleht ŭ sieradu, 26 listapada.

«Adzinstva NATA ŭtrymlivajecca z dapamohaj suviazi ŭ płanie kalektyŭnaj abarony. Napad na Talin — heta toje ž, što napad na Łondan, Bierlin ci Paryž. I pieratvareńnie ŭ žyćcio prezidenckaj stratehii nacyjanalnaj biaśpieki adbyvajecca praź dziejazdolnaść dysłakavanych u Jeŭropie vojskaŭ», — zajaviŭ jon.

Taksama Chordžes adznačyŭ, što meta Rasii — vyklikać raskolinu ŭ aljansie.

«Kali pahladzieć, što Rasija robić u Krymie, va Ukrainie, jak jana ciśnie na Hruziju, praz Prydniastroŭje — na Małdovu, na krainy Bałtyi, to jaje meta — vyklikać niavyznačanaść i raskoliny ŭ aljansie, pasiejać sumnieńni siarod samich estoncaŭ, što, maŭlaŭ, ŭsio roŭna Hiermanija ci Partuhalija, abo Kanada siudy na dapamohu nie pryjduć», — skazaŭ jon.

Piaty artykuł statuta NATA abviaščaje, što kali adbudziecca napad na adnu krainu — udzielnicu błoka NATA, to heta budzie rasceńvacca jak napad na ŭvieś aljans. U statucie heta nazyvajecca «kalektyŭnaj abaronaj».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?