Idzie abmierkavańnie pracesu «lehalizacyi» dobraachvotnickich uzbrojenych adzinak «Pravaha siektara», jakija viaduć bai na Danbasie, paviedamiŭ na svajoj staroncy ŭ Facebook pamočnik ministra abarony Ukrainy pa pytańniach rečavaha zabieśpiačeńnia Jury Birukoŭ.

«Andrej Šaraskin i jahony kamandzir užo atrymali schiemy i varyjant. Ciapier jany buduć dumać. Ułasna, try pytańni — try adkazy», - napisaŭ Birukoŭ.

Šaraskin — kamandzir roty ŭ 5-m bataljonie Dobraachvotnickaha ŭkrainskaha korpusu «Pravaha siektara», a da vajny — teatralny režysior lvoŭskaha dziciačaha teatra, za što atrymaŭ psieŭdanim «Bahiema». U kastryčniku dva tydni ŭdzielničaŭ u abaronie Danieckaha aeraporta ad prarasijskich bajevikoŭ.

Jašče letam vałanciory i sami bajcy zaklikali «lehalizavać» bajavyja adzinki «Pravaha siektara», jakija aficyjna nie isnujuć, i tamu nie atrymlivajuć ani stabilnaha zabieśpiačeńnia ježaj i vopratkaj, ni zbroi i bojeprypasaŭ.

Sam Šaraskin 15 listapada byŭ uznaharodžany za bai ŭ Danieckim aeraporcie znakam Ministerstva abarony «Za vajarskuju mužnaść» i asabistaj zbrojaj — pistaletam. Pa jahonych słovach, heta pieršaja aficyjnaja zbroja, jakuju atrymali bajcy jahonaj roty.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?