Minharvykankam adkryty dla prapanoŭ haradžan. Ab hetym zajaviŭ u efiry teleprahramy «Aktualnaje intervju» na telekanale «Biełaruś-1» staršynia Minharvykankama Andrej Šorac.

«Miascovyja ŭłady adkryty dla dziełavoj inicyjatyvy haradžan. Adnak realnych prapanoŭ ad žycharoŭ stalicy my pakul nie atrymali», - skazaŭ Andrej Šorac, padkreśliŭšy, što ŭ meryi hatovy razhledzieć lubyja idei, jakija dapamohuć zrabić stalicu lepšaj, bahaciejšaj i bolš kamfortnaj.

Staršynia Minharvykankama taksama adznačyŭ, što nasielnictva horada pavinna bieražliva stavicca da svajho žylla. «Siońnia hramadzianie niasuć adkaznaść tolki za svaje čatyry ściany, za svaju kvateru. A voś padjezd, dvor jany ŭžo nie ličać svajoj terytoryjaj. Tamu naša zadača zrabić minčan haspadarami nie tolki svaich kvater, ale i taho doma, taho dvara, u jakim jany pražyvajuć. Tady i horad nabudzie druhoje abličča, i pasłuhi ŽKH buduć akazvacca na inšym uzroŭni», - skazaŭ Andrej Šorac.

Siarod hałoŭnych zadač ŽKH horada mer nazvaŭ źnižeńnie zatrat, pavyšeńnie jakaści pasłuh, uzmacnieńnie narmatyvaŭ, aptymizacyju kolkaści rabotnikaŭ hetaj śfiery.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?