«Tak, usiaho za niekalki dzion — z 17 pa 21 listapada — u horadzie było špitalizavana amal dva dziasiatki čałaviek, dvoje ź jakich apynulisia ŭ reanimacyi paŭtorna!

Ja nie budu śćviardžać, što heta skončanyja «spajsamany» — mahčyma, chto-niebudź z trapiŭšych u reanimacyju sa śmiarotnym atručvańniem naohuł upieršyniu pasprabavaŭ «miksy». Ale navat hetaha adnaho-adzinaha razu dastatkova, kab pastavić na kartu ŭłasnaje žyćcio. I ŭ takuju «ruletku» ŭ pieravažnaj bolšaści hulaje naša moładź — chłopcy va ŭzroście 15-20 hadoŭ, hienafond nacyi. Choć, tradycyjnyja narkotyki — taja ž bomba, praŭda, zapavolenaha dziejańnia. Dla ich nie tak charakternyja pieradaziroŭki, ale finał u lubym vypadku sumny.

Paćvierdžańnie tamu — niadaŭni vypadak z dvuma «opiumnymi» narkamanami, jakija z-za «siadzieńnia na ihle» zastalisia bieź piečani. Viadoma, bolš dakładna pra historyju ich chvaroby mahli b raskazać lekary, ale heta ŭžo nijak nie dapamoža nikomu z abodvuch pacyjentaŭ, jakija naviečna «prapisalisia» na haradskich mohiłkach.

Viadoma, heta hučyć žorstka, ale jak nielha lepš adlustroŭvaje realnaść…» — paviedamiŭ načalnik upraŭleńnia pa narkakantroli i procidziejańniu handlu ludźmi HUUS Minharvykankama Kanstancin Laškievič.

Pa jaho słovach, z pačatku hoda tolki ŭ stalicy ź niezakonnaha abarotu vyklučany dziasiatki kiłahramaŭ roznych psichatropaŭ, try čverci ź jakich składajuć papularnyja ciapier kurylnyja miksy. Spyniena funkcyjanavańnie 13 kanałaŭ pastupleńnia ŭ Minsk narkotykaŭ i psichatropaŭ z-za miažy, «zakrytyja» 10 narkałabaratoryj i 12 sajtaŭ, jakija śpiecyjalizavalisia na handli narkotykami.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?