U rasijskaj armii nie ŭvodzić zabaronu na vykarystańnie iPhone. Pra heta zajaviŭ aficyjny pradstaŭnik Minabarony Rasii Ihar Kanašenkaŭ.

«Va Uzbrojenych siłach Rasijskaj Fiederacyi nie isnuje zabaronaŭ na vykarystańnie srodkaŭ mabilnaj suviazi i tym bolš pradukcyi jakoha-niebudź peŭnaha vytvorcy. Źjaŭleńnie takoj infarmacyi ŭ adnym ź viadučych ajčynnych vydańniaŭ moža śviedčyć ab niedastatkovaj techničnaj piśmiennaści jaje aŭtaraŭ, bo mahčymaści sučasnych smartfonaŭ zamiežnych vytvorcaŭ, niezaležna ad ustanoŭlenaha ŭ ich prahramnaha zabieśpiačeńnia, praktyčna identyčnyja», — skazaŭ Kanašenkaŭ.

Jon adznačyŭ, što dziejnyja abmiežavańni na vykarystańnie vajskoŭcami srodkaŭ mabilnaj suviazi nie tyčacca kankretnych madelaŭ telefonaŭ, a źviazanyja ź miescam i časam vykarystańnia ŭ chodzie słužby.

U hety momant kankretny paradak karystańnia vajskoŭcami terminovaj słužby srodkami mabilnaj suviazi vyznačaje kamandzir častki: niedzie mabilniki pakidajuć na rukach pastajanna, dzieści — źbirajuć i zachoŭvajuć u siejfach, vydajučy dla vykarystańnia ŭ volny čas.

Raniej u ŚMI źjavilisia paviedamleńni ab rekamiendacyjach pryzyŭnikam nie brać z saboj u vajskovyja častki smartfony kampanii Apple.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?