Pa słovach Baraka Abamy, z Chiłary Klintan atrymaŭsia b vydatny prezident, kali jana vyrašyła b pryniać udzieł u vybarach 2016 hoda.

U 2008 hodzie Chiłary Klintan prajhrała Abamu padčas adboru kandydata ad Demakratyčnaj partyi na ŭdzieł u prezidenckich vybarach.

Čakajecca, što Klintan, jakoj spoŭniłasia 67 hadoŭ, prymie rašeńnie ab udziele ŭ prezidenckaj honcy ŭ pačatku 2015 hoda.

U intervju telekanału Ej-bi-si prezident Abama zajaviŭ, što časta kantaktuje z Chiłary Klintan i ličyć jaje svaim siabram.

Jon adznačyŭ, što siarod kandydataŭ ad Demakratyčnaj partyi jość niekalki hodnych pretendentaŭ, jakija mahli b spravicca z pracaj kiraŭnika ŭrada.

Adnak z usich mahčymych pretendentaŭ Abama nazvaŭ tolki adno imia — Chiłary Klintan, zajaviŭšy, što jana mahła b stać mocnym i vydatnym prezidentam.

Pry hetym Abama pryznaŭ, što Klintan, jakaja zajmała adzin čas pasadu dziaržsakratara ŭ jaho administracyi, mnohaje rečy rabiła b pa-svojmu, nie tak, jak jon.

Ciapierašni prezident taksama adznačyŭ, što vybarščykam ŭ 2016 hodzie zachočacca čahości novaha, namiaknuŭšy, što jaho rolu ŭ budučaj vybarčaj kampanii moža być niaznačnaj.

Pry hetym Chiłary Klintan zhulała vielmi prykmietnuju rolu na niadaŭnich pramiežkavych vybarach, padčas jakich respublikancy atrymali bolšaść u sienacie.

Jana cełyja dva miesiacy jeździła pa krainie, akazvajučy ŭsialakuju padtrymku demakratam.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?