19 listapada zbornyja Kot dJIvuara i Kamieruna sustrakalisia ŭ ramkach kvalifikacyi da Kubka Afrykanskich nacyj, jaki adbudziecca ŭ studzieni 2015 hoda. Sustreča, jakaja prachodziła ŭ Abidžanie, skončyłasia biezhalavoj ničyjoj, što zabiaśpiečyła kamandzie Kot dJIvuara pucioŭku na hałoŭny afrykanski turnir zbornych. Zbornaja Kamieruna jašče da hetaha matča harantavała sabie ŭdzieł u finalnym turniry Kubku, zaniaŭšy pieršaje miesca ŭ svajoj hrupie.
Ale adnosny spakoj na poli źmianiŭsia bujstvam paśla zakančeńnia hulni. Jak tolki prahučaŭ finalny śvistok, zaŭziatary haspadaroŭ vybiehli na pole, kab adśviatkavać pieramohu razam z futbalistami. Niekatoryja ź ich pačali sprabavać razłamać futbolnyja varoty, kab razabrać ich na suvieniry, ale nie paśpieli. Miascovaj palicyi nie spadabalisia takija pamknieńni, tamu supracoŭniki pravaachovy tut ža kinulisia supakojvać hledačoŭ i razhaniać ich pry dapamozie dubinak. Nie dapamahło navat toje, što hulcy zbornaj Kot dJIvuara sprabavali nie dapuścić hvałtu i adciahvali zaŭziataraŭ ad palicyjantaŭ.
