U Łatvii tearetyčna mahčymy dziaržaŭny pieravarot. Pra heta zajaviŭ pres-sakratar prezidenta RF Uładzimira Pucina Dźmitryj Piaskoŭ u intervju Bi-Bi-Si 19 listapada.

Jon taksama dadaŭ, što kali aficyjny Brusel pryznaje hety pieravarot, krainie pahražaje niebiaśpieka.

Piaskoŭ taksama adznačyŭ, što Rasija žadaje, kab jaje partniory viedali, što ŭ dziaržavy jość svaje peŭnyja «čyrvonyja linii», jakija NATA nie varta pierasiakać.

Pres-sakratar Pucina padzialiŭ zaściarohi žurnalista Bi-Bi-Si Džona Simpsana ab tym, što

kali toje, što zdaryłasia z Ukrainaj, zdarycca i z Łatvijaj, jaje hramadzianie rasijskaha pachodžańnia padymuć antyŭradavaje paŭstańnie.

MZS Łatvii ŭžo paśpieła prakamientavać vykazvańni Piaskova.

«Aznajomiŭšysia z vykazvańniami spadara Piaskova, mahu adznačyć, što łohika myśleńnia i jasnaść vykazvańniaŭ pres-sakratara prezidenta RF nie byli tymi jakaściami, jakija bralisia ŭ raźlik pry pryznačeńni jaho na zajmanuju pasadu», — zajaviŭ ahienctvu BNS pradstaŭnik MZS Łatvii Karlis Ejchienbaums.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?