Zbornik apaviadańniaŭ — nieprydumanych historyj — mahiloŭskaj litaratarki Taćciany Barysik «Žančyna i leapard» pabačyŭ śviet u vydaviectvie «Knihazbor» u sieryi «Kniharnia piśmieńnika» Biblijateki Sajuza biełaruskich piśmieńnikaŭ.

Bolšaść siužetaŭ, ź jakimi vy sutyknieciesia ŭ hetaj knizie, — uziatyja z našaha štodzionnaha žyćcia. Biełaruskaja pravincyja na miažy tysiačahodździaŭ, kłopaty, prablemy i radaści sučasnych viaskoŭcaŭ i haradžan, usia hama čałaviečych pačućciaŭ znachodziać svajo adlustravańnie ŭ nievialikich apaviadańniach piśmieńnicy.

Uzor sučasnaj žanočaj prozy — łakanična i daścipna, zachaplalna i fiłasafična, z praniknieńniem u psichałahičnyja tajamnicy čałaviečych stasunkaŭ.

Taćciana Barysik — vypusknica Mahiloŭskaha dziaržaŭnaha ŭniviersiteta, siabra HA «Sajuz biełaruskich piśmieńnikaŭ», piša vieršy i prozu. Drukujecca ŭ respublikanskaj pieryjodycy, nizka apaviadańniaŭ uvajšła ŭ zbornik «Žančyny vychodziać z-pad kantrolu» (Minsk, 2007).

Taćciana Barysik — stały aŭtar «Našaj Nivy». Apaviadańnie, jakoje i dało nazvu zborniku, taksama drukavałasia na staronkach haziety.

Taćciana Barysik. Žančyna i leapard — viasiołaje i ščymlivaje apaviadańnie

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?