Ułady samaabvieščanaj «Danieckaj narodnaj respubliki» ŭvodziać instytut vajenna-palavych sudoŭ, nadzielenych pravam vyniasieńnia śmiarotnych prysudaŭ, vynikaje z paviedamleńnia na sajcie pres-centra sieparatystaŭ, apublikavanaha 20 listapada.

Hetyja sudy buduć dziejničać «u rajonach, jakija znachodziacca na vajskovym stanoviščy, a taksama rajonach vajennych dziejańniaŭ».

«Vajenna-palavym sudam dajecca prava razhladać spravy pa zakančeńni 24 hadzin paśla ŭručeńnia abvinavačanamu kopii abvinavaŭčaha zaklučeńnia, — havorycca na sajcie. — Skład vajenna-palavoha suda: adzin sudździa i dva narodnyja zasiadacieli ź liku vajskoŭcaŭ, nie zacikaŭlenych u vyniku spravy».

Tam ža pryvodzicca pieralik spraŭ, jakija padpadajuć pad jurysdykcyju vajenna-palavych sudoŭ. U pieraliku, siarod inšaha, jość «uchileńnie ad vajskovaj słužby ci deziercirstva», a zakančvajecca jon słovami «a taksama inšyja złačynstvy i pravaparušeńni ŭ adpaviednaści ź dziejnym zakanadaŭstvam».

Prysudy vajenna-palavych sudoŭ nie padlahajuć kasacyjnamu abskardžańniu i mohuć być admienieny abo źmienieny tolki ŭ paradku nahladu, paviedamlaje pres-centr.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?