Nasamreč, Rasija ŭžo akupavała Łatviju. Tolki heta adbyłosia niezaŭvažna. My možam pra heta mierkavać tolki pa ŭskosnych prykmietach, jakija prykmietnyja i adčuvalnyja, tolki kali pahladzieć z boku. Pažadana uzvažana i bolš-mienš abjektyŭna piša Łata Łapsa. Tekst pryvodzić Delfi.

Tryźnieńnie nie prosta chvoraha, a vielmi-vielmi chvoraha sabaki, praŭda? Tym bolš, u taki dzień jak pazaŭčora [Dzień Niezaležnaści, 18.11.1918] — parad, sonca, uskładańnie kvietak, tradycyjnaje prezidenckaje «e-e-e-m-m-m», kancerty, ściahi, salut, śviatło pachodniaŭ, aduchoŭlenaść, słovy i sms ź vinšavańniami. My ž takija mahutnyja, tvorčyja i h.d.

Adna biada — usio heta tolki fasad. Vonkavy bok. Toje, što kidajecca ŭ vočy, ale nieabaviazkova źjaŭlajecca realnaściu. A realnaść z toj ža lohkaściu moža być całkam inšaj.

Nazavu roznyja «drobiazi», jakija mnie ŭdałosia nakidać u adzin ahulny fajł u volny čas ŭsiaho za niekalki dzion, - «drobiazi», jakija, miakka kažučy, ciažka vytłumačalnyja, kali hladzieć na ich z punktu hledžańnia realizacyi intaresaŭ niezaležnaj, samastojnaj dziaržavy. Zatoje jakija vydatna ŭpisvajucca ŭ dumku, vyniesienuju ŭ zahałovak hetaha artykuła.

Dla pačatku ŭsiaho paru pytańniaŭ. Čamu, naprykład, Rasija nie skuplaje ŭsio łatvijskija ŚMI, jakija spatrebilisia b joj dla paśpiachovaha kampastavańnia mazhoŭ naroda? Zrazumieła, što heta było b niaciažka i niadoraha. Dyk čamu ž zamiest hetaha Rasija dazvalaje łatvijskim ruskamoŭnym hazietam adnoj za druhoj vylatać u trubu? I čamu Rasii bolš nie treba navat ryžskaje «Dynama», jakoje jana raniej apasrodkavana ŭtrymoŭvała?

I čamu Rasija, naprykład, pierad čarhovymi vybarami prosta nie robić tut mieha-kampaniju za 5-10-20 miljonaŭ, nie zabrudžvaje ŭsie ŚMI i publičnuju prastoru kramloŭskaj prapahandaj i nie atrymlivaje ŭ Siejmie 51 «prarasijskaha» deputata? Bo heta taksama niaciažka. Tym bolš, što pakul paŭrazburany BPBK razvarušyć, projduć miesiacy, kali nie hady …

A zaraz niekalki faktaŭ. Čytać dalej.

Клас
Панылы сорам
Ха-ха
Ого
Сумна
Абуральна