Pavodle prahnozaŭ, na poŭnačy štata Ńju-Jork u čaćvier vypadzie jašče mietr śniehu. U sieradu ŭ horadzie Bafała vypała 1,5 mietra śniehu, a na terytoryi ŭsich 50 amierykanskich štataŭ tempieratura ŭpała nižej za nul, u tym liku i ŭ Fłarydzie i na Havajach.

Z-za niepahadzi ŭ štacie Ńju-Jork užo zahinuli siem čałaviek.

Hubiernatar štata Endru Kuoma nazvaŭ hety śniehapad histaryčnaj padziejaj, jakaja pabje ŭsie rekordy.

Kuoma taksama nakiravaŭ bolš za sotniu reziervistaŭ z Nacyjanalnaj hvardyi na dapamohu miascovym uładam u rasčystcy daroh i evakuacyi kinutych aŭtamašyn.

U vyniku śniehapadu i rezkaha panižeńnia tempieratury niekalki čałaviek zahinuli taksama ŭ štatach Ńju-Hempšyr i Mičyhan.

U mnohich miescach žychary apynulisia začynienymi ŭ damach i mašynach, zaniesienych vysokimi hurbami. Mocnyja viatry i hałalod pryviali da šmatlikich avaryj na darohach i zakryćcia mnohich škoł.

Džon Džajłoci, žychar haradka Ist-Arbar blizu Bafała, raspavioŭ, što niekatoryja ludzi byli vymušanyja pravieści kala paŭtary sutak u svaich mašynach, jakija zatrymalisia ŭ śniezie.

«Mnie pašancavała, što mianie nie było tam, dzie było jašče horš - u 15 chvilinach adsiul vypała bolš za paŭtara mietra śniehu. U nas vypała ŭsiaho krychu bolš za mietr, ale siońnia da viečara nam abiacajuć jašče santymietraŭ 50-60, tak što pahladzim», — kaža jon.

Nacyjanalnaja mietearałahičnaja słužba ZŠA zajaŭlaje, što ŭ niekatorych miescach śniehapad pabiŭ usie rekordy. U adnoj miascovaści za sutki vypała 193 santymietry śniehu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?