Supracoŭniki kryminalnaha vyšuku Minskaha RUUS i UUS Minabłvykankama raskryli zabojstva, ździejśnienaje bolš za paŭtara miesiaca tamu. Mužčyna zabiŭ pryjaciela, schavaŭšaha ad jaho plašku tannaha ałkaholu.

14 listapada ŭ Minskaje RUUS źviarnułasia žycharka Zelvienskaha rajona. Jana skazała, što na ŭłasnym niedabudavanym leciščy ŭ vioscy Abčak Minskaha rajona vyjaviła cieła 33-hadovaha brata, jaki bolš čym paŭtara miesiaca nie vychodziŭ na suviaź. Pry žyćci mužčyna zajmaŭsia pracaj na budoŭlach pa vusnaj damoŭlenaści.

Śledča-apieratyŭnyja hrupy Minskaha RUUS i UUS Minabłvykankama, a taksama śpiecyjalisty Dziaržkamiteta sudovych ekśpiertyz pa Minskim rajonie ŭstanavili, što mužčyna pamior u siaredzinie vieraśnia ad množnych ciažkich cialesnych paškodžańniaŭ, jak miarkujecca vyklikanych źbićciom.

Namieśnik načalnika ŭpraŭleńnia kryminalnaha vyšuku UUS Minabłvykankama Dźmitryj Krukaŭ paviedamiŭ, što nichto z susiedziaŭ nie zaŭvažyŭ ničoha padazronaha.

Adnak ekśpiertami byŭ znojdzieny adbitak palca 53-hadovaha mužčyny, jaki bamžavaŭ u Minsku i vobłaści.

Na praciahu sutak supracoŭniki kryminalnaha vyšuku znajšli jaho miescaznachodžańnie i zatrymali ŭ vioscy Łysaja Hara Minskaha rajona.

Mužčyna raspavioŭ pra abstaviny trahiedyi. Pavodle jaho słoŭ, u pačatku vieraśnia jon prachodziŭ dobraachvotnuju reabilitacyju ad ałkahalizmu ŭ Śviata-Ksienijeŭskim žanočym manastyry ŭ vioscy Barań Barysaŭskaha rajona. Tam jon pasiabravaŭ z dvuma pastajalcami manastyra — 22-hadovym spajsavym narkamanam, žycharom Minska, i 33-hadovym žycharom Hrodzienskaj vobłaści, jaki, pa jaho słovach, «zhubnymi prychilnaściami nie pakutavaŭ, a kala hoda tamu padpracoŭvaŭ u manastyry i pryjechaŭ atrymać kančatkovy raźlik».

Nasupierak statutu manastyra troje pryjacielaŭ vypivali, za što byli vyhnanyja z ustanovy.

Tady jany adpravilisia na niedabudavanuju daču ŭ viosku Abčak, dzie pradali trymier i bienzapiłu i praciahnuli vypivać.

Małodšy z sabutelnikaŭ vyjaviŭ prapažu adnoj plaški tannaha śpirtnoha. Paśla karotkaha pieratrusu vyśvietliłasia, što haspadar doma schavaŭ jaje ŭ svoj łožak. Raźjušyŭšysia, małady čałaviek žorstka źbiŭ mužčynu.

U chodzie rasśledavańnia vyśvietliłasia, što starejšy z pryjacielaŭ nie viedaŭ pra svajho małodšaha sabutelnika ničoha, akramia mianuški, tamu supracoŭnikam kryminalnaha vyšuku pryjšłosia sutki ŭ ŭzmocnienym režymie vyśviatlać jaho pašpartnyja źviestki i miescaznachodžańnie. U abied nastupnaha dnia fihurant kryminalnaj spravy byŭ zatrymany doma ŭ Minsku.

Pa fakcie zabojstva Mienskim rajonnym adździełam Śledčaha kamiteta raspačata sprava pa č. 1 art. 139 KK.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?