U svaim pasłańni Fiederalnamu schodu prezident Rasii Pucin zrobić staŭku na realnuju baraćbu z karupcyjaj i ekanamičnuju libieralizacyju.

Pra heta ŭ sieradu, 19 listapada, piša ahienctva Bloomberg sa spasyłkaj na svaje krynicy.

U artykule pad nazvaj «Pa niekatorych paviedamleńniach, Pucin ździviŭ svaich daradcaŭ rašeńniem padtrymać realnuju baraćbu z karupcyjaj» (Putin Said to Stun Advisers by Backing Corruption Crackdown), napisanaj Jaŭhienijaj Piśmiennaj i Irynaj Reźnik, havorycca sa spasyłkaj na ŭłasnyja nienazvanyja krynicy ab tym, što prezident Rasii pryniaŭ rašeńnie padtrymać prahramu radykalnaj libieralizacyi ekanomiki i realnaj baraćby z karupcyjaj.

Raniej dziaržaŭnyja infarmahienctvy paviedamlali, što ŭ hetym hodzie z pasłańniem prezident Rasii vystupić 4 śniežnia i jaho asnoŭnaj temaj sapraŭdy stanie raźvićcio ekanomiki krainy, u pryvatnaści pytańni padatkaabkładańnia.

Pa dadzienych Bloomberg, novaja ekanamičnaja prahrama była raspracavana kala miesiaca tamu pa vynikach sustrečy Uładzimira Pucina z pradstaŭnikami ekanamičnaha błoka va ŭradzie. Krynicy ahienctva raspaviali, što na joj ministr ekanamraźvićcia Alaksiej Ulukajeŭ raspavioŭ pra toje, što inflacyju strymlivać ŭsio ciažej i recesii paźbiehnuć nie ŭdasca.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?