Urad Rasii razhladaje mahčymaść vykarystańnia zapasaŭ hrečki z Rasreziervu z-za rezkaha rostu cenaŭ na hetyja krupy.

Pra heta paviedamlaje ŭ čaćvier, 20 listapada, «Kommiersant» sa spasyłkaj na dyrektara pa raźvićci Asacyjacyi vytvorcaŭ i pastaŭščykoŭ charčovych tavaraŭ «Ruscharčsajuz» Dźmitryja Vostrykava.

«Kab stabilizavać situacyju, Rasrezierv płanuje vyjści na rynak hrečki ź istotnym abjomam, takuju mahčymaść razhladaje ŭrad», — paviedamiŭ Vostrykaŭ.

Infarmacyju ab mahčymym uziaćci z zapasu Rasreziervu paćvierdziła pres-sakratar vice-premjera Arkadzia Dvarkoviča, jaki kuryruje sielskuju haspadarku. Ciapier hetaje pytańnie, pa jaje słovach, prapracoŭvajecca.

Cana hračanaj krupy ŭ roźnicy ŭ Rasii, pa dadzienych Rasstata, z 1 pa 17 listapada vyrasła na 27,5%. Rezka ŭzrosły popyt na hreckija krupy ekśpierty źviazvajuć sa źnižeńniem uradžaju hrečki ŭ Ałtajskim krai, na jaki zvyčajna prypadaje da 40% jaje zboru.

U toj ža čas u Minsielhasa RF u sieradu zajavili, što deficytu hrečki ŭ krainie niama.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?