Maderatar anhłamoŭnaj Vikipiedyi paviedamiŭ ŭ Twitter ab palityzavanych praŭkach u artykułach pra Danbas. Paźniej byŭ znojdzieny šerah artykułaŭ, vypraŭlenych padobnym čynam. Praŭki sychodzili ź IR-adrasoŭ Ministerstva zamiežnych spraŭ Rasii.

Niezarehistravanyja karystalniki rabili 17—18 listapada praŭki nakštałt zamieny frazy «rasijskija akupacyjnyja vojski» na «miascovyja apałčency» ŭ artykule pra Daniecki kamiennavuhalny basiejn.

Luby achvotny moža rabić ananimnyja praŭki ŭ Vikipiedyi. Ale ŭ takim vypadku fiksujecca IR-adras, ź jakoha robiacca praŭki. Pa IR-adrasie nielha vyznačyć kankretnaha čałavieka, jaki siadzieŭ za kampjutaram, ale možna vyznačyć arhanizacyju, jakoj naležyć šerah IR-adrasoŭ.

Adras, ź jakoha rabilisia praŭki, naležyć Ministerstvu zamiežnych spraŭ Rasii.

Aktyŭna adsočvać krynicy pravak Vikipiedyi pačaŭ supracoŭnik biblijateki Kanhresu ZŠA Ed Samiers. Jon napisaŭ skrypt, jaki adsočvaje praŭki z asobnych IR-adrasoŭ, a 9 žniŭnia 2014 hoda zapuściŭ tviter-akaŭnt @congressedits, u jakim paviedamlałasia ab praŭkach z adrasoŭ Kanhresa.

Ideju chutka padchapili ŭ inšych krainach. Z archivu pravak dziaržstruktur śvietu možna daviedacca, što niechta ŭ «Rosatamie» kłapocicca, kab zamiest słovaŭ «hiej» i «homaseksuał» pisałasia «homaseksualist», a Fiederalnaja słužba achovy Rasii vydalaje infarmacyju pra źbićcio dysidentaŭ supracoŭnikami KDB.

Najbolšy rozhałas atrymała praŭka ź IR-adrasa Usierasijskaj dziaržteleradyjokampanii: u artykule pra katastrofu małazijskaha «Boinha» niechta zamianiŭ padazravanych z «terarystaŭ DNR» na «ŭkrainskich vajskoŭcaŭ».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?