«Tema palitźniavolenych u Biełarusi abmiarkoŭvałasia na ŭsich maich sustrečach z pradstaŭnikami ŭłady. Ja nia prosta zakranaŭ hetaje pytańnie ahułam, a zhadvaŭ kankretnyja vypadki», 

— zajaviŭ siońnia paśla zaviaršeńnia svajho vizytu ŭ Biełaruś kiraŭnik departamentu Eŭrapiejskaj słužby źniešnich dziejańniaŭ Hunar Vihand na karotkaj sustrečy z žurnalistami.

Na pytańnie žurnalistaŭ, jak reahavali pradstaŭniki biełaruskaj ułady na jahonyja zachady, eŭračynoŭnik adkazaŭ:

«Ad ich imia ja nia budu kazać, ale ja im daŭ zrazumieć, što kab całkam realizavać patencyjał adnosinaŭ pamiž Biełaruśsiu i Eŭraźviazam, treba rabić novyja kroki».

Hunar Vihand skazaŭ, što heta była čaćviortaja sustreča ŭ ramkach dyjalohu ab madernizacyi. Hetym razam jana achoplivała takija temy, jak mahčymyja reformy ŭ sfery adukacyi, rehijanalnaha raźvićcia i sacyjalnych pytańniaŭ.

Na pytańnie, čamu hetym razam spadar Vihand nie sustreŭsia ź liderami biełaruskaj apazycyi, jon adkazaŭ nastupnaje:

«Kali pryjaždžaješ niekudy na abmiežavany čas, dyk ciažka sustrecca z usimi. Ja raniej sustrakaŭsia ź liderami apazycyi i ŭ Miensku, i ŭ Bruseli. Ź imi sustrakalisia i eŭrakamisary, i pradstaŭniki dypmisijaŭ krainaŭ Eŭraźviazu, jakija akredytavanyja ŭ Biełarusi. Pryčym apošniaja sustreča była nia bolš čym dziesiać dzion tamu».

Hunar Vihand paviedamiŭ žurnalistam, što na nastupnym tydni ŭ Bruseli adbudziecca druhi raŭnd pieramovaŭ ab spraščeńni vizavaha režymu pamiž Biełaruśsiu i Eŭraźviazam.

Dyrektar departamentu Rasiei, «Uschodniaha partnerstva», Centralnaj Azii, rehijanalnaha supracoŭnictva i ABSE Eŭrapiejskaj słužby źniešnich dziejańniaŭ Hunar Vihand ad 18 listapada znachodzicca ŭ Biełarusi z čarhovym vizytam. 18 listapada adbyłasia jahonaja sustreča z pradstaŭnikami hramadzianskaj supolnaści i analitykami. 19 listapada Vihand sustrakaŭsia ź ministram zamiežnych spraŭ Biełarusi Ŭładzimieram Makiejem.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?