Sud u Ižeŭsku (Respublika Udmurtyja) upieršyniu ŭ rasijskaj kryminalnaj praktycy pryznaŭ, što aniekdot časoŭ pierabudovy parušaje 282 artykuł KK ab ekstremiźmie.

Pierad sudom paŭstaŭ małady čałaviek, jaki raźmiaściŭ publikacyju na svajoj staroncy «Ukantakcie».

Aniekdot pačynaŭsia sa słoŭ «Sud. Sprava ab źbićci kaŭkazca…», jaki źjaŭlajecca parodyjaj na viadomuju humarystyčnuju bajku 1980-ch. U aryhinalnaj viersii humareski havorka išła ab źbićci jaŭreja.

Pry hetym udmurcki karystalnik dapoŭniŭ aniekdot malunkam-dematyvataram z vyjavaj svastyki i cytataj z paeta Bułata Akudžavy.

Jak adznačajuć jurysty analityčnaha centra «Sava»,

niahledziačy na ksienafobskija padtekst, aniekdot nie ŭtrymlivaje pramych zaklikaŭ da hvałtu.

«Pravamiernaść hetaj spravy vyklikaje niekatoryja sumnievy. Bolš dakładnaj kvalifikacyjaj faktu publikacyi apisanaha vyšej dematyvatara była b nie art. 282 KK, a art. 20.3 KoAP (prapahanda i publičnaje demanstravańnie nacysckaj simvoliki)», — paviedamlajuć jurysty centra.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?