U struktury Ministerstva pracy i sacyjalnaj abarony Biełarusi možna stvaryć departamient siamji i dziaciej. Takuju prapanovu vykazaŭ siońnia namieśnik premjer-ministra Anatol Tozik na pasiadžeńni Kamisii pa spravach niepaŭnaletnich pry Saviecie Ministraŭ Biełarusi.

«Treba, kab hety orhan kaardynavaŭ usiu rabotu ŭ rajonie, vioŭ ahulny bank danych, davaŭ by impulsy: kamu što zrabić — učastkovamu, miedycynie, škole. U nas jość dla hetaha resursy».

Vice-premjer prapanavaŭ udzielnikam pasiadžeńnia abmierkavać hetu inicyjatyvu ŭ bližejšy čas.

Akramia taho, Anatol Tozik adznačyŭ, što niaredka prablemy ŭ siamji vyjaŭlajucca ŭžo tady, kali ich užo pozna vyrašać: «Siamja — heta davoli zakryty arhanizm. Pytańnie ŭ tym, jak vyjavić prablemu da jaje raźvićcia». Za 8 hadoŭ dziejańnia dekreta numar 18 «Ab dadatkovych mierach pa dziaržaŭnaj abaronie dziaciej u niadobranadziejnych siemjach» ź niaŭdałych siemjaŭ zabrali 29-30 tys. dziaciej. «Razmova idzie ab takich situacyjach, kali dziaciej treba ratavać. Dobra, što prykładna 50-57 pracentaŭ udajecca viarnuć nazad da baćkoŭ, jakija adumalisia. Ale pałavina ž zastajecca…», — skazaŭ vice-premjer.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?