BTR «Bumieranh», jakija raspracoŭvajucca dla armii RF, nie źjaviacca na paradzie 9 maja 2015 hoda, choć ichny ŭdzieł płanavaŭsia, paviedamlajuć rasijskija ŚMI.

«Na žal, raspracoŭščyki «Bumieranha» sutyknulisia ź ciažkaściami roznaha płana. Z-za hetaha stvareńnie doślednaj partyi bronietrasparcioraŭ dla ŭdziełu ŭ paradzie 9 Maja na Krasnaj płoščy stała prablematyčnym», - paviedamiła krynica «Interfaksa».

Raniej hałoŭnakamandujučy suchaputnymi vojskami RF hienierał-pałkoŭnik Aleh Salukoŭ zajaŭlaŭ, što na paradzie projdzie najnoŭšaja bajavaja technika Rasii, u tym liku «Bumieranhi».

Kołavyja mašyny «Bumieranh» raspracoŭvajucca dziaržaŭnaj Vajenna-pramysłovaj kampanijaj RF (VPK). Jany pavinny stać adzinaj płatformaj dla bajavych kołavych mašynaŭ (kołavych tankaŭ, bajavych mašyn piachoty i branietrasparcioraŭ). Vyrablać mašyny budzie Arzamaski mašynabudaŭničy zavod.

U 2012 hodzie hiendyrektar VPK Dźmitry Hałkin kazaŭ, što pieršyja doślednyja mašyny na płatformie «Bumieranh» źjaviacca ŭ 2013 hodzie.

U kastryčniku źjaviłasia infarmacyja, što na maskoŭskim paradzie 9 maja 2015 hoda nie budzie i novych tankaŭ na płatformie «Armata», z raspracoŭkaj jakich rasijskija inžyniery taksama nie spraŭlajucca ŭ pryznačanyja načalstvam terminy.

Клас
Панылы сорам
Ха-ха
Ого
Сумна
Абуральна