Artykuły takoha źmiestu ja sam lublu pračytać na «Forbsie» — miljardery, jakija stali bahatymi paśla 30. Ci znakamitaści, jakija ŭ 25 byli nikomu nieviadomyja. Daje nadzieju i aptymizm. Mnie tolki 24 ž, i ŭsio jašče napieradzie, vuń, maŭlaŭ, kolki prykładaŭ.

A ci jość takija prykłady ŭ nas? Kali viadomyja biełarusy stali paśpiachovymi? Čym jany zajmalisia ŭ svaje 25, naprykład?

Źmicier Daškievič, samy viadomy małady palityk (a ciapier jašče i biznesoviec) krainy, u svaje 25 siadzieŭ u turmie.

Zrešty, jon siadzieŭ i ŭ 23 i ŭ 30. U Biełarusi bijahrafii palityčnych aktyvistaŭ zaŭždy ŭtrymoŭvajuć radok pra adsiedki i aryšty. U nas nie Aŭstryja, dzie b žurnalisty zaraz mahli lohka pryvodzić prykład samaha maładoha ministra zamiežnych spravaŭ — Siebastyjana Kurca, jakomu tolki 26.

A čałaviek, jaki ŭ značnaj stupieni stvaryŭ situacyju, u jakoj ludzi siadziać za palityčnyja pohlady, u svaje 25 dałučyŭsia da KPSS, byŭ adkaznym sakratarom usiesajuznaha abjadnańnia «Viedy». Praŭda, tolki škłoŭskaha filijała.

Budučamu na fota 23.

Budučamu na fota 23.

Siarhiej Michałok u svaje 24 užo mieŭ biełaruskuju «Rok-karonu» (u 1996 hurt Lapis Trubiecki ŭziaŭ try ŭznaharody z čatyroch) i byŭ papularny na Radzimie. A ŭ 25 jon razam z kalektyvam zapisvaje albom «Ty kinuła», jaki prynosić muzyku viadomaść na terytoryi ŭsiaho byłoha SSSR.

Siońniašniaja žonka Michałka, Śviatłana Zielankoŭskaja, u 25 była viadomaja na ŭsiu krainu — hod tamu jana syhrała Nastaśsiu Słuckuju ŭ adnajmiennym filmie. I ŭžo čatyry hady była na scenie Kupałaŭskaha teatra, Akademiju mastactvaŭ jana skončyła u 21.

Siońniašniaja žonka Michałka, Śviatłana Zielankoŭskaja, u 25 była viadomaja na ŭsiu krainu — hod tamu jana syhrała Nastaśsiu Słuckuju ŭ adnajmiennym filmie. I ŭžo čatyry hady była na scenie Kupałaŭskaha teatra, Akademiju mastactvaŭ jana skončyła u 21.

U svaje 25 hod Alaksandr Hleb pravioŭ, badaj, najlepšy siezon u karjery. Jon zamacavaŭsia ŭ składzie łondanskaha «Arsienała», vyjšaŭ na pole kala 40 razoŭ, Adśviatkavaŭšy dzień narodzinaŭ u pačatku maja, pry kancy miesiaca ŭpieršyniu ŭ historyi biełaruski paŭabaronca biare ŭdzieł u finale Lihi Čempijonaŭ. Nastupny siezon dla Hleba nie mienš udały — u składzie adnoj z najlepšych kamandaŭ śvietu jon 48 razoŭ źjaŭlajecca na poli, zabivaje i addaje halavyja pieradačy.

Biełaruski repier Siaroha ŭ 25, napeŭna, jašče i nie dumaŭ, što nieŭzabavie stanie miljanieram i navat napiša pra heta pieśniu. Pieršy ŭdały trek u jaho vyjdzie tolki praz hod, a ŭ 2001 muzyka viartajecca ź Niamieččyny ŭ Biełaruś, dzie pravioŭ piać hod u jakaści studenta, i maje ćviordy namier stać zorkaj rep-muzyki. Adbudziecca heta praz try hady, u 2004. Mienavita tady jon vydaje albom, dzie siarod inšaha, zaśpiavaje pra «Čorny bumier»

U 25 Vitaŭta jašče nie nazyvajuć «Vialikim», choć jon užo paśpieŭ pavajavać suprać Maskovii i Teŭtonskaha ordena i hod pavaładaryć na haradzienskaj ziamli. Jahonyja pryhody z uciokami i baraćba za vysokija dziaržaŭnyja pasady pačniecca tolki za siem hod.

Barbara Radzivił u 25 pačała adkryta sustrakacca z Žyhimontam. U 1545 pamierła jaho žonka. Jany sustrakalisia i raniej, adrazu paśla znajomstva. Vialiki kniaź tady zrabiŭ jaje frejlinaj svajoj žonki.

Praz dva hady, niahledziačy na piarečańni svajakoŭ, jany voźmuć šlub. Skasavańnia šlubu budzie damahacca Sojm, ale biespaśpiachova. Karanacyja Barbary adbudziecca ŭ Krakavie, u 1550 hodzie.

Dalej historyja sumnaja — jana pamre ŭžo nastupnaj viasnoju, u strašnych pakutach, jakija ciahnulisia niekalki miesiacaŭ. Kažuć, śviakroŭka…

Samy viadomy sučasny biełaruski paet dy i palityk Uładzimir Niaklajeŭ u 25 vyrašaje źviazać žyćcio ź litaraturaj. Pierad hetym jon pracavaŭ, skončyŭ technikum i pracavaŭ suviazistam to ŭ Sibiry, to na Dalokim Uschodzie, to ŭ minskim televizijnym atelje. A mienavita ŭ 1971 jon apynajecca ŭ Maskvie, dzie ceły hod zajmajecca na adździaleńni paezii ŭ Litaraturnym instytucie.

Pražyŭšy dva paślavajennyja hady ŭ Hrodnie, Bykaŭ u 25 znoŭ u šerahach savieckaj armii, demabilizujecca jon tolki praz šeść hod, majučy zvańnie majora. U 1949 hodzie Vasil Bykaŭ drukuje ŭ «Hrodzienskaj praŭdzie» adno z svaich pieršych apaviadańniaŭ, «U bai». Pieršaja publikacyja adbyłasia, kali Bykavu było 23. Ale pra viadomaść kazać zarana, dyj sam Vasil Uładzimiravič adličvaje pačatak svajoj litaraturnaj dziejnaści tolki z 1951.

Uładzimir Karatkievič napisaŭ pieršy varyjant «Dzikaha palavańnia karala Stacha» u 22. Ale kančatkova staŭ litarataram mienavita ŭ 25. U 1954—56 hh. pracuje nastaŭnikam ruskaj movy i litaratury ŭ vioscy Lesavičy Taraščanskaha rajona Kijeŭskaj vobłaści. Vosieńniu 1955 h. prymaje ŭdzieł u respublikanskaj naradzie maładych litarataraŭ u Minsku, dzie jaho vieršy atrymlivajuć vysokuju acenku. Z hetaha ž hoda pačynajecca pierapiska z hałoŭnym redaktaram časopisa «Połymia», budučym narodnym paetam Maksimam Tankam.

Viktar Kisły zasnavaŭ Wargaming jašče ŭ 22. Praŭda realny pośpiech anłajn-hulniaŭ, vypuskanych kampanijaj, pryjdzie praź dziesiać hod, u 2008—2009. A ŭ 2001, u 25 jon raspracavaŭ sistemu aptymizacyi pakazu rekłamy AdRevolver. Jaje pradaduć rekłamnaj sietcy BlueLithium, a nastupny ŭładalnik, Yahoo, zapłacić ažno 300 młn $.

  Jaŭhien Marozaŭ, jaki naradziŭsia ŭ Salihorsku, u svaje 25 užo byŭ adnym z samych zapatrabavanych publicystaŭ u ZŠA.

Jaŭhien Marozaŭ, jaki naradziŭsia ŭ Salihorsku, u svaje 25 užo byŭ adnym z samych zapatrabavanych publicystaŭ u ZŠA.

Na toj momant jon paśpieŭ pavučycca ŭ Baŭharyi i Niamieččynie, byŭ zaprošanym navukoŭcam u Stenfardzie i Džordžtaŭnie, śpikieram kanfierencyi TED.

Jury Zisier u 25 hod byŭ supracoŭnikam zavodu «Bijafizprybor». Pracavaŭ inžynieram-prahramistam, žyŭ va ukrainskim Lvovie.

Juryju Zisieru (sprava) tut 25 hadoŭ.

Juryju Zisieru (sprava) tut 25 hadoŭ.

Viktoryi Azaranka tolki ŭ hetym hodzie spoŭniłasia 25.

Ciapierašni premjer-ministr Michaił Miaśnikovič paśla vojska pracavaŭ u Minskvodakanale. Tudy jon pryjšoŭ u 23 i zatrymaŭsia na cełych dziesiać hod.

A jašče ŭ 25 hadoŭ inžynier «Vodakanała» Michaił Miaśnikovič ažaniŭsia ź minčankaj Ludmiłaj. Jany razam užo tryccać hadoŭ.

A jašče ŭ 25 hadoŭ inžynier «Vodakanała» Michaił Miaśnikovič ažaniŭsia ź minčankaj Ludmiłaj. Jany razam užo tryccać hadoŭ.

Dla paraŭnańnia, Džordž Soras u 25 skončyŭ vučycca ŭ Łondanskaj škole ekanomiki. A Styŭ Džobs raspačaŭ pracu ŭ «Eple». A Anhieła Mierkiel vyjšła na pracu ŭ NDI chimii. Ale zachodniki vartyja asobnaj havorki…

Janka Kupała da 26 pracavaŭ pamočnikam vinakura na brovary — tahačasnym harełačnym zavodziku.

Kastuś Kalinoŭski ŭ 25 raspačaŭ spravu svajho žyćcia…

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?