NATA naziraje ŭvachod rasijskaj vajennaj techniki na terytoryju Ukrainy. Pra heta ŭ sieradu, 12 listapada, paviedamlaje Agence France-Presse.
«Za apošnija dva dni my nazirali toje ž samaje, što i ŭ spravazdačy ABSIE. My nazirali kałony rasijskaj techniki, u pieršuju čarhu rasijskich tankaŭ, artyleryi, rasijskich sistem SPA i rasijskich bajavych padraździaleńniaŭ, jakija pierasiakajuć miažu z Ukrainaj», — raspavioŭ Viarchoŭny hałoŭnakamandujučy Abjadnanymi ŭzbrojenymi siłami arhanizacyi ŭ Jeŭropie Filip Brydłaŭ.
Pavodle jaho słoŭ, NATA naziraje toje ž samaje, što i misija ABSIE apošnim časam. Pra kolkaść rasijskaj techniki Brydłaŭ skazać nie zmoh, bo pakul niama dakładnych zdymak kałony.
Raniej ABSIE zajaŭlała, što zafiksavała pieramiaščeńnie 43 nieviadomych vajskovych hruzavych aŭtamabilaŭ na paŭdniovym uschodzie krainy.
