Ukrainskaja armija pravodzić surjoznuju pracu pa padrychtoŭcy pieršaha i druhoha rubiažoŭ abarony na terytoryi zony ATA.
Pra heta zajaviŭ ministr abarony Ściapan Pałtarak 12 listapada ŭ čas pasiadžeńnia ŭrada.
Pavodle jaho słoŭ, ukrainskija vajskoŭcy pravodziać pieradysłakacyju sił i padrychtoŭku dvuch rubiažoŭ abarony na vypadak bajavych dziejańniaŭ ź siłami prarasijskich sieparatystaŭ na Danbasie.
Jon dadaŭ, što ŭkrainskaja armija fiksuje «naroščvańnie namahańniaŭ terarystyčnych hrupovak i RF» na ŭschodzie Ukrainy. Adnačasova Ściapan Pałtarak adznačyŭ, što siły ATA adsočvajuć pieramiaščeńni praciŭnika i viedajuć pra miesca jaho znachodžańnie.
Pa słovach ministra, ukrainskaja armija kantraluje situacyju ŭ zonie ATA i «rychtujecca da viadzieńnia bajavych dziejańniaŭ».
